RV – Katekeze ikus Papa Francisco nian iha Tinan Mizerikórdia nian mak kona-ba suporta ho pasiénsia maluk sira nia frakeza, obra mizerikórdia espirituál ida.

Download

“Ha fasilidade boot, ita hatene rekoñese ema sira nia prezensa ne’ebé bele inkomoda ita. Nune’e ita hanoin: ba tempu hira mak ha’u tenke rona lamentasaun sira ne’e, gossip sira-ne’e, pedidu sira eh triunfu sira ema ne’e nian?”, Amu-Papa kuestiona, hodi hanoin katak iha maioria kazu sira nian ema sira-ne’e mak ida besik ita, hanesan parente sira no kolega sira serbisu nian.

Iha Bíblia, Papa Francisco esplika, Maromak hanorin atu sai pasiente no mizerikordiozu, hanesan Nia rasik nune’e ho povu ebreu ne’ebé lamenta kontra Nia durante Ézodu, eh hanesan Jezús ne’ebé, ba Apóstolu sira ne’ebe hetan tentasaun ba podér no inveja, ho pasiénsia boot, halo sira haree katak buat ne’ebé esesniál mak ninia misaun.

Fasil atu ko’alia kona-ba ema nia defeitu sira, Amu-Papa hateten, mas nia kuestiona se ema sira halo ezame ida konxiénsia nian atu haree se sira mak provoka ema. Iha sentidu ne’e, importante mós obra rua seluk mizerikórdia nian: hanorin no korrije ema sira ne’ebé sala. “Ha’u hanoin porezemplu ih akatekista sira – entre sira ne’e inan marak no relijioza sira – ne’ebé dedika tempu atu hanorin labarik sira elementu bazilár sira fiar nian. Esforsu hiram liuliu bainhira joven sira prefere halimar envezde rona katekeze!”

Akompaña iha babukak eseniál nian mak furak no importante, Amu-Papa hateten, tanba halo atu partilla malu ksolok apresia sentidu moris nian. Iha ema sira ne’ebé buka satisfasaun imediata no liu de’it ninia oin, importante liu hatene fó konsellu no hanorin.

Evita tentasaun sira inveja nian, ambisaun nian no adulasaun nian (kose-kose)

Para Francisco, hanorin atu deskobre saida mak na’i hakarak husi ema ida-idak no oinsá posivel korresponde ba Nia. Ne’e signifika koloka an iha dalan atu sai boot iha vokasaun rasik no evita monu iha inveja, iha ambisaun no iha adulasaun – tentasaun sira ne’ebé nafatin hafuhu ita inkluzive entre sarani sira.

Maski nune’e, Amu-Papa fó hanoin katak fó konsellu no hanorin labele halo ema sente nia superiór ba ema seluk, maibé obriga atu hateke ba an rasik atu verifika nia an se koerente ho buat ne’ebé nia husu ba ema seluk.

“Ita keta haluha Jezús nia liafuan sira, Amu-Papa konklui: ‘Tanba sá ó haree rai-rahun iha ó-nia maluk nia matan, hodi la haree ai-kabelak iha ó-nian? Atu Espíritu Santu tulun ita sai pasiente atu suporta no haraik an no simples atu fó konsellu”.