Baucau – Husi loron 12-13 Novembru 2016, membru sira Asosiasaun ADMA (Asosiasaun Maria Auxiliadora nian) na’in 105 haliburr hamutuk iha Baucau, atu hili sira-nia estrutura foun  ba períodu 2016-2021.

Asembleia  hahú ho Santa Missa prezide husi Pe. Apolinario Neto no konselebra husi Pe. Manuel Ximenes nu’udar delegadu nasionál no pe. Inocêncio. Husi parte FMA prezente Ir Alma Castagna, provinsiál FMA-TIN, Ir Brígida Sousa (Dili), Ir Evangelina Xavier (Laga), Ir Teresa do Carmo (Kailako) no Ir Jacinta Gusmão (Baucau).

Iha loraik ne’e kedas, membru sira halo votasaun ba sira-nia lider, ne’ebé tenke sai mata-dalan ba membru atus 9 ADMA iha Timor-Leste. Rezultadu eleisaun ba prezidente ADMA mak Sra. Maria Fátima Belo ba períodu daruak. Sra. Maria Fátima Belo (membru parlamentu nian, ne’e kataka tivu iha polítika) votus 79 husi totál 105.  Iha tinan ne’e, sira hili vise, sekretáriu no tezoureira rua tuir zona (Oeste no Leste), basá tuir sira, bele fasilita komunikasaun no serbisu.

Molok votasaun, membru sira hetan lia-menon husi padre provinsiál, madre provinsiál no padre delegadu. Sira hotu reforsa knar membru nian tuir regulamentu no mós husu sira haburas família rasik no família saleziana, hodi tau an nu’udar membru kreda lokál. Depoizde han-kalan, ADMA sira halibur ba orasaun adorasuan estilu Taizé, prepara husi ADMA Laga.

Iha loron domingu, asembleia remata ho Eukaristia dominikál preside husi Amu-Bispu Basílio no konselebra husi padre provinsiál, padre Manuel no pe. Inocêncio. Amu-Bispu husu atu membru sira nu’udar sósiu asosiasuan nian, hala’o didi’ak sira-nia knar hodi haburas solidariedade no tulun habelar Maromak nia Reinu.