Dili – Horisehik loron 31, loron komemorasaun DB nian, ekipa pastoral SDB no FMA sira nian hamutuk ho delegadu/a pastoral husi komunidade SDB no FMA nian halibur hamutuk ho foinsa’e sira ekipa MJS nian iha Kasaid-Dili hodi halo avaliasaun kona-ba festa Mjs nian.

Enkontru ne’e  ninia objetivu atu halo avaliasaun kona-ba festa MJS nian ne’ebé hala’o tiha ona iha loron 7-9 Outubru  iha Quelicai. Avaliasaun ne’e nu’udar roman ida atu bele hare atividade  saida deit mak hala’o di’ak  ona,  buat saida deit mak sedauk hala’o ho di’ak , nune’e bele hadiak liután iha futuru oin mai. Avaliasaun ne’e la’ós deit mai husi ekipa pastoral sdb, fma no reprezentante animadór sira  ne’e,  maibé, foinsa’e sira husi komunidade ida-idak SDB no FMA nian ne’ebé partisipa iha festa MJS nian mós fó sira-nian sujestaun.

Pontu sira ne’ebé avalia mak kona-ba: Orariu, Partisipante, Oradores, Animasaun, Peregrinasaun ba Matebean, Liturgia, Konsumo/logistics/ akomodasaun, Soundsystem, Dokumentasaun, Saude , Faru no Jaket MJS nian. Husi Pontus sira hirak ne’e haree katak buat hotu la’o tuir duni buat ne’ebé relata iha programa-mjs nian. Iha deit programa balun ne’ebé hala’o duni maibé tempu mak la to’o no programa balun ne’ebé foti oras barak. Sujestaun sira ba festa mjs tinan oin mak partisipante sira tenke iha tinan 16 ba leten atu nune’e bele tuir atividade sira ne’ebé relata iha programa laran. Iha parte seluk presiza mós assistensia saleziana ne’ebé  maka’as liu tán liu-liu ba irmaun no irmán sira ne’ebé enkarigadu/a ka lori foinsa’e sira.

Lidera iha  enkontru ne’e mak Pe. Alarico Sarmentu SDB, IrArménia Menezes, FMA no animadór Afonso ( prezidente mjs). Partispante iha enkontru ne’e hamutuk nain 20. Ema hotu kontente hodi fó sira-nia sujestaun iha enkontru ne’e.

(Alice Gama)