Sidade Vaticano (RV) – Jezús nia moris iha rai nia tutun mak Axensaun, Papa Francisco hateten,  hodi esplika ninia signifikadu. Hodi tama iha Maromak nia glória lihusi krús, Jezús hanorin mai ita katak moris sarani ezije fidelidade loroloron ba ninia vontade,  maski husu sakrifísiu no mudansa iha ita-nia planu karik bá.

“Ita keta ta’uk atu dirije ba Na’i no husu perdaun, bensan no laran-sadia. Nia perdua ita nafatin. Maromak mak ita-nia advogadu. Nia nafatin defende it! Keta haluha kona-ba buat ne’e.”

 

[Asesu kópia ho lia-portugés]

Iha narrasaun ne’ebé S. Lucas halo kona-ba akontesimentu Axensaun, elementu rua bolu ita-nia atensaun:  Bainhira sa’e daudaun, Jezús fó bensan ba ninia dixípulu sira ne’ebé tuku tuur iha nia oin; hafoin sira fila ba Jerusalém nakonu ho ksolok.

Iha ida  uluk, jestu bensan nian signifika katak Jezús mak Amlulik mesak no rohan laek. Nu’udar ema no Maromak loos. Noa lori umanidade ba to’o Maromak.

Elementu daruak, katak dixípulu sira nia ksolok, hanorin mai ita katak sira hatene – no ita mós hatene liuhusi fiar – katak Na’i, maski nia haketak an ona, nia hotik nafatin ho ninia eskolante sira, nia la husik sira mesak, no iha Ama nia glória nia sustenta sira, gia no intersede ba sira.

Nune’e , bainhira ita profesa Kredu katak Jezús “sa’e rasik ba Lalehan, tuut iha Aman nia sorin kuana”, ita afirma katak Jezús kontinua horik iha ita-nia leet, maibé ho modu foun. Kristu, iha Amna nia sorin, hakat liu tempu no espasu, nune’e nia be;e horik hamutuk ho ita  ida-idak.

“Maun no biin-alin sira, Axensaun la hatudu Jezús nia auzénsia. Iha ita-nia moris, ita nunka mesak: Na’i ne’ebé hedi iha krús no moris hi’as gia ita; hamutuk ho ita, iha maun no biin-alin barak ne’ebé, iha silénsiu no iha intimidade, iha sira-nia moris familiár no profisionál, iha sira-nia problema no difikuldade sira, iha sira-nia ksolok no esperansa sira, loroloron moris iha fiar no lori ba mundu Maromak nia domin nia primadu.”