RV – Papa Francesco, depoizde konsulta, hanesan baibain, Konferénsia Episkopál sira, Kreda Orientál Katólika sira sui iuris no ‘Unione dei Superiori Generali’ (Uniaun Superiór Jerál), nune’e mós rona sujestaun sira husi Asembleia sinodál tinan liubá no paresér husi Konsellu Ordináriu XIV, estabelese katak iha Outubru 2018 sei realiza Asembleia Jerál Ordinária Sínodu Bispu sira-nian kona-ba tema: “Joven sira, fiar no dixernimentu vokasionál”.

Tema – nota ida fó sai – mak “espresaun husi solisitude pastorál Kreda nian ba foin-joven sira” no iha “kontinuidade ho buat ne’ebé mosu iha Asembleia sinodál resente sira kona-ba família no ho konteúdu Ezortasaun Apostólika pós-sinodál Amoris Laetitia. Sínodu hakarak akompaña joven sira iha sira-nia dalan ezistensi’al ba maturidade atu nune’e, liuhusi prosesu dixernimentu, sir a bele deskobre projetu moris nian no realiza ho ksolok, hodi loke an ba enkontru ho Maromak no ho ema sira no hodi partisipa ativamente iha edifikasuan Kreda no sosiedade nian”.

Sínodu Bispu sira-nian bele define ho liafuan jerál sira, nu’udar asembleia konsultiva reprezentante episkopadu katóliku sira-nia husi mundu tomak, no hamutuk ho sira peritu sira no konvidadu seluk ho knar atu tulun Amu-Papa iha governu Kreda nian.