RV – Iha katekeze kuarta, 5 Setembru, Papa Francisco ko’alia kona-ba ninia viajen ba Geórgia no Azerbaijão iha fim-de-semana ikus ne’e. Nasaun rua ne’e lokaiza iha leste europeu nia rohan no ho vizita ne’e Amu-Papa taka viajem ba Cáucaso, ne’ebé hahú hovizita ba Armênia iha fula Juñu liubá.

Misaun iha Geórgia iha karákter ekuméniku, basá ninia populasaun maioria ortodoxa, no ninia títulu “Pax vobis”. Iha Azerbaijão, repúblika relijiaun islámika, nia lema mak “Ita hotu maun-alin”.

Papa Francisco esplika katak nasaun rua ne’e iha abut istóriku, kulturál no relijiozzu antigu liu, maibé rua hotu, ne’ebé selebra daudaun tinan 25 independénsia husi rejime soviétiku, moris faze foun ida, dezafiadora no nakonu ho difikuldade sira.

“Igreja Katólika atua iha kampu karidade no promosaun umana nian, nafatin iha komuñaun ho komunidade sarani sira no iha diálogu ho komunidade relijioza sira seluk, iha serteza katak Maromak ne’ebé ema hotu nia aman no ita mesak maun no biin-alin”.

Kona-ba viajem ba Geórgia, Papa Francisco hanoin enkontru ho Patriarka Elias II no orasaun iha Katedrál ho ‘assírios-caldeus’ ba Síria, iha Iraque no Oriente Médio. Momentu seluk nia destaka mak missa ho katóliku sira país nian, selebra iha memória Santa Teresa do Menino Jesus, padroeira misaun sira-nian.

“Nia fó hanoin mai ita katak misaun loloos la’ós ‘proselitismo’, maibé atrasaun ba Kristu hahú husi uniaun forte ho Nia iha orasaun, iha adorasaun no iha karidade konkreta, hanesan relijiozu no relijioza sira iha Tblisi, Geórgia, no iha Baku, Azerbaijão. Família sarani sira folin liu iha akollimentu, dixernimentu no integrasaun komunidade nian!”, Papa Francisco dehan.

Iha Azerbaijão iha katóliku 700, maibé sira iha relasaun di’ak ho ema hotu, hodi hanoin eventu rua: Eukaristia no enkontru inter-relijiozu.

“Hodi dirije ba autoridade ‘azeris’, ha’u halo votus atu kestau aberta sira bele hetan solusaun di’ak no populasaun kaukázika sira bele moris iha damen no respeitu malu. Atu Maromak hariak bensan ba Armênia, Geórgia no Azerbaijão, no akompaña dalan nia povu santu peregrinu iha país sira-ne’ebá”.