Iha Maromak nia Liafuan ohin nian, it ahetan tema oioin (fiar, salvasaun, radikalidade iha “dalan Reinu nian, nst); maibé reflesaun kona-ba atitude loos ema nian iha Maromak nia oin mak tema evidente liu. Leitura sira konvida ita atu rekoñese, ho haraik-an, ita-nia ani ne’ebé ki’ik, ita-nia finitude, atu dedika an ba Reinu lahó kálkulu eh ezijénsia, atu simu ho gratidaunMaromak nia don sira no saran an ho konfiansa iha Ninia liman.

Iha primeira leitura, profeta Habacuc interpela Maromak, husu Nia atu intervein iha mundu no hakotu violénsia, injustisa no salan… Maromak, konfirma nia intensaun atu atu aiha mundu, hodi harahun mate no opresaun; maibé Nia sei hala’o ne’e iha momentu oportunu, tuir Ninia projetu; ema presiza de’it konfia no hein ho pasiénsia “Maromak nia tempu”.

Evanjellu konvida eskolante sira atu adere, ho aten-barani no radikalidade, ba projetu moris nian ne’ebé Maromak mai oferese, liuhusi Jezús… Adezaun ne’e mak ita hanaran “fiar”. Eskolante sira tenke iha konxiénsia katak sira mak instrumentu de’it, no liuhusi sira Maromak hala’o salvasaun. Eskolante sira presiza de’it hala’o knaar ne’e ho haraik-an no gratuidade, hanesan “atan sira ne’ebé hala’o de’it buat ne’ebé sira tenke halo”.

Leitura daruak konvida eskolante sira atu hafoun loroloron kompromisu ho Jezús Kristu no ho Reinu. Ho forma espesiál, autór husu animadór sarani sira atu gia komunidade sira ho fortaleza, ekuilíbriu no domin no defende nafatin lialoos Evanjellu nian.

Download