Dili – Irmán perpétua sira husi Dioseze Dili  no Dioseze Maliana hamutuk Irmán 19, halibur hamutuk iha Dili, loron 7 Setembru, hodi rona mensajen ne’ebé hato’o husi  Konselleira Jerál, Irmán Maria Assunta Sumiko Inoue, Konselleira Vizitadora, kona-ba Obra Mizerikórdia  Pastorál no mós liafuan xafe husi Kapítulu Jerál XXIII.

Iha obra Mizerikórdia ne’e iha pontus hitu ne’ebé nia fahe mak hanesan: Moris ita-nia vokasaun rasik ho ksolok; Moris kle’an ita-nia umanidade; Selu klamar ida-idak ho ita-nia an rasik; Hatán ba ezijénsia misaun nian; Promove lideransa komunitária ida; Sai husi seguransa no komodizmu; Tau hamutuk lalehan no rai iha orizonte fuan nian.

Tuir mai Irmán sira fahe ba grupu 4 hodi haree realidade moris FMA nian ho pergunta 3: dezafiu boot liu, pontu importante atu esplika KJ 23 no perfíl FMA atu sai sasin no profeta.

Dezafiu boot liu saida mak iha Timor?

DEZAFIU sira:

• Fó prioridade ba kultura tradisionál (iha barlakiadu, análfabetu, ekonomia fraku …)
• Meiu komunikasaun: ladún fo importánsia ba prezensa real.
• Kultura ne’ebé hanehan ema nune’e susar atu dezenvolve nia moris, ki’ak.
• Hari família ho idade ki’ik
• La fó importánsia ba buat sagradu ( iha perselingkuhan, seksu livre, divorsiu…)
• Formadór/a sira preokupa liu ho kuantidade duké kualidade formande sira.
• Krize edukasaun iha família laran (la eduka oan sira ba renunsia no sakrifisiu)
• Pobreza morál, intelektuál, fiar no materiál.

Elementu Importante ruma atu bele esplika Liña Orientasaun KJ 23!

ELEMENTU IMPORTANTE:

• Pastorál família nian
• Konversaun Pastorál (tama tuir realidade la obriga ema ka foinsa’e tuir ita-nia planu)
• ‘Formadores’ sira presiza prepara-an, auto formasaun atu atu sai kompetente.
• Sentidu hola parte ba Institutu.
• Fó an iha komunidade nia presiza
• Loke matan ba nesesidade sira
• Kuidadu sasán

Perfíl FMA iha Timor – atu sai profeta no sasin!

Hanesan Maria halo Kristu sai sentru ninia moris nian, sai FMA ne’ebé:

• Moris simples no ki’ak
• Dedika tempu ba auto formasaun, prepara an ba misaun no presiza Instituto nian.
• Iha espiritualidade ne’ebé kle’an.
• Servisu badinas ho espíritu sakrífisiu.
• Hatene lee realidade ho kritériu evanjéliku.
• Hatene uza mídia ho responsabilidade no ho sensu krítiku.
• Iha karákter (adulta/dewasa).
• Moris ho esperansa no ksolok.

Halo nune’e, sai prezensa profétika iha ita-nia moris tomak.

Ikus liu Irmán Assunta taka fó liafuan korajen nian ba Irmán Perpétua sira katak moris hamutuk  iha komunidade presiza  kria mentalidade pozitiva no konstrutiva atu nune’e  bele harii Maromak nia Reinu iha mundu ne’e liuliu iha ita-nia komunidade ida-idak.