Venilale – Ho ksolok no fuan ne’ebé  prontu, loron 2 Setembru 2016, hamutuk ho menina no irmã sira simu madre Assunta iha ami nia komunidade. Visita ne’e maski breve deit maibe nu’udar Timor oan ne’ebé forte iha Kultura, menina sira ho ksolok hato’o ba madre dansa tradisonal Timor nian no knananuk Theme Song World Youth day ne’ebé foinsa’e mundu tomak hananu iha loron mundial ba foinsa’e sira iha Cracow. Hafoin halo orasaun hamutuk iha Capela atu agradece ba Maromak ba madre Assunta nia presenca nu’udar presenza ida lori ksolok no atu hafoun fali irmã ida-idak nia laran manas ba misaun no vokasaun. Visita ne’e badak deit maibe madre Assunta haree hotu obras sira ne’ebé ami hala’o iha komunidade madre Mazzarello. Hahu husi eskola, klinika no atividades ne’ebé komunidade hala’o.

Durante boa noite, madre apresenta no test badak kona ba madre Geral no Konselleira sira nia naran no servisu animasaun nian. madre apresenta atividade lor-loron nian ho objetivu atu ita hotu nu’udar FMA hatene saida mak madre Geral ho ninia konselleira sira nia moris. Kalan daruak madre hatudu misaun sira ne’ebé ita nia irmã sira nasaun Medio-oriente nian. iha ne’ebé sira nia servisu diretamente ba foinsa’e sira ne’ebé iha risku boot tanba nasaun ne’ebé nafatin iha funu nia laran. Madre hateten, ita sente urjénsia boot atu hamutuk reza ba sira, liu-liu atu foinsa’e hirak ne’e sente dame no paz iha sira nia fuan, hodi la envolve iha hahalok sira ne’ebé estraga ema seluk.

Iha sabádu lorokraik depios de enkontru ho irmã perpetua sira zona Baucau nian, madre Assunta, madre Alma no madre Floriana, ba visita uma primeira ne’ebé wainhira madre sira mai hela ba ne’e mak senhor Aleixo nia uma. Uma istóriku ba vokasaun Salesian nia buras. Madre Assunta mos ba visita rate senhora Maria nian.

Iha sabádu kalan, menina hamutuk ho madre sira agradece ba madre Assunta nia presenza ho dansa no hananu. Iha madre nia liafuan ikus, madre husu deit atu foinsa’e hirak ne’e sente katak fatin ne’ebé sira hela ba agora ne’e mak uma ida domin Maromak nian. foinsa’e hirak ne’e tengke sai protagonista atu ajuda fali maluk, ka familia sira oinsa domin ba Maromak no ba maluk sira. Ami mos la haluha hato’o agradece wain ba Don Pietro ne’ebé besik fulan ida hamutuk ho ami iha ami nia komunidade. Ami agradece tanba dala ruma nia fasilita ami hodi selebra Eucaristia Santa. Dala ida tan obrigada barak.

(Yashinta Hoar)