Husi irmán Lucia Pereira fma

Fuiloro – Semináriu katekétiku ba irmán juniora iha tinan ne’e nian, tuir programa fahe ba módulu tolu. Módulu dahuluk hala’o husi loron 1 to’o 4 Abríl 2013, iha komunidade Madre Morano Fuiloro-Lospalos. Enkarregada ba semináriu ne’e mak irmán Lucia Pereira.

Iha loron uluk semináriu nian irmán Paola Battagliola nu’udar Provinsiál halo abertura hodi fó lia menon badak ba irmán juniora sira atu aprende no aproveita di’ak tanba sira rasik mak husu atu halo semináriu ne’e.

 

Primeiru módulu kontein matéria tolu: Teolojia Pastorál, prosesu katekeze iha istória Kreda nian, Kristolojia husi pontudevista katekeze nian no psiko-pedagojia iha katekeze. Tema tolu ne’e fahe ba speaker rua: irmán Lucia Pereira no padre Silvano sdb.

Iha loron dahuluk  iha Teolojia pastorál, Ir. Lucia Pereira, FMA, hahú ninia matéria ho epistemolojia iha dimensaun teolójika no pastorál nian. Hafoin iha parte daruak mak metodolojia pastorál nian. Métodu ne’ebé ami deskreve mak: HAREE, JULGA/TETU NO HALA’O. No bazeia ba métodu tolu ne’e,  irmán sira fahe ba grupu ha’at hodi analiza situasaun: sosiál-polítika no ekonómika; relijaun dimensaun rua: relijaun katólika no relijaun tradisionál. Halo diskusaun kona-ba problema sira: labarik, joven, família no governu nian ne’ebé mak ohin loron afeta vida sarani no sosiedade Timo-Lester nian. Nune’e ikus liu aprezentasaun iha asembleia kona-ba problema sira ne’ebé mak haree nu’udar urjente atu hatán .

Lokraik iha paseiu hodi ba reza rozáriu iha Paioto, gruta Nai-Feto Maria Ausiliadora nian.

Loron daruak mak: prosesu katekétiku iha istória Kreda nian. Aleinde input iha mós servisu iha grupu.

Loron datoluk iha matéria rua: dader tuku 8-12, Pisko-pedagojia iha Katekeze no iha lokraik tuku 2.30, Kristolojia ho padre Silvano sdb.

Sira remata hodi  prepara itineráriu fiar nian tuir idade labarik nian.