Mensajen Páskua 2013 ba website Institutu nian

Irmán doben sira, imi haree video-mensajen ida-ne’e ne’ebé grava molok ha’u-nia viajen ba Haïti iha-ne’ebé ha’u oras-ne’e hela ba ha’u-nia vizita iha Inspetoria ida-ne’e. Rai ida ne’ebé terus maka’as rai-nakdoko 2010 nian ne’ebé lori ta’uk, destruisaun, mate.

Maibé Haïti hahú hamriik fali, hahú morsi hikas fali. Ruína sira sai dezafiu ida, baze lansamentu nian, okaziaun ida atu hadi’ak ambiente iha ne’ebé labarik feto sira, labarik mane sira, menina sira, foin-sa’e sira no família ne’ebé hakarak hateke ba futuru ida ho esperansa moris bá.

Ha’u mai iha ne’e hodi Institutu no ema barak nia naran, ne’ebé ho modu konkretu oferese sira-nia. Sira-nia kontribuisaun ekonómiku mós no orasaun permite atu rai ne’e bele hamriik fali ho dignidade liutiha esperiénsia triste sisma nian. Solidariedade no uniaun objetivu sira-nian permite la’ós de’it atu rekonstrui esperansa, fó filafali konfiansa ba família sira, ba labarik sira, ba foin-sa’e sira.

 

Ha’u haree iha hamriik filafali ida-ne’e sinál sira moris-hi’as nian, páskua nian, vida foun nian.

Sin, husi mate bele moris vida foun bainhira hamutuk, ho fuan evanjéliku, profundamente umanu ita halo sai ita-nian ema kiak liu sira-nia terus, hodi tulun ho modu konkretu atu manán fali sira-nia dignidade nu’udar Maromak oan sira no ita-nia maun-alin sira,  la importa sira-nia proveniénsia, kultura, relijiaun.

Husi esperiénsia ida-ne’e ha’u foti motivu atu hato’o ba imi Páskua kmanek 2013 nian. Votu ne’ebé ha’u halo mak ida-ne’e: atu ita hatene rekoñese iha ita-nia realidade sira, ita –nia moris loroloron, iha eventu ki’ik boot ka ki’ik ita-nia istória pesoál, sosiál, ekleziál sinál sira moris-hi’as  nian, esperansa nian no futuru nian. Ha’u hakarak atu ita iha «fuan paskál» ida ne’ebé riku ho umanidade tanba mistériu salvasaun krús no mori-hi’as Jezús nian horik iha nia. Halo nune’e ita-nia uma sira sei sai uma ne’ebé evanjeliza.

Ha’u hanoin ba komunidade sira be la taka n no kiak iha orizonte, maibé komunidade ho odamatan no janela nakloke ba Espíritu nia huun no, nune’e, ho orizonte luan, uma iha-ne’ebé respira Evanjellu no iha-ne’ebé loke an ba jesti di’ak sira ne’ebé harii no atitude konfiansa nian ne’ebé edifika no favorese relasaun hakmatek no dame nian.

Atu tulunita mak liafuan-xave Papa Francisco nian iha ninia omilia dahuluk iha loron 17 Marsu: la’o, edifika, konfesa.

Ita husik ita-nia an atu simu buat hotu ne’ebé Espíritu Santu, bee-matan unidade no kriatividade nian, inspira Santu Padre ho liafuan simples no programátika sira-ne’e.

Nu’udar Institutu ita halo hela dalan, ita hakarak harii ita-nia uma ho materiál kualidade di’ak nian, konsolida miasuan ne’ebé Maromak entrega mai ita, konfesa ho aten-barani no ksolok foun, fafurak hasoru malu nian ho Kristu. Mai ita fó ba malu don ida-ne’e no ho laran-luak fó ba foin-sa’e sira.

Ha’u husu ba Maria atu harohan daet nune’e iha ita no hale’u ita, bele natubu laran maus boot, ne’ebé la’ós virtude ema fraku sira-nian, maibé hatudu fortaleza espíritu nian no kapasidade atensaun nian, kompaixaun nian, abertura loos ba ema seluk, kapasidade domin nian

Ho espresaun signifikativa Amu-Papa Francisco nian, ha’u hato’o Páskua nabilan ida ba imi hotu no ba komunidade edukativa sira.

Jezús moris-hi’as haraik ba ini dame, hakmatek, ksolok.