Dili – Husi loron 19/08/2016 to’o 22/08/2016 Irmán Sebastiana Soares da Silva Costa (Vigária Provinsiál) fó formasaun ba ami Segundu Novisiadu iha uma Provinsiál – Paulo VI. Tema kona-ba “Ita-nia moris Komunitaria”.  Nune’e komunidade mak iha ne’ebé sai eskola domin nian, sai nafatin fini ida atu bele harii uma ida deit no hetan família boot ida, mak Instituto FMA. Ita nu’udar Maria nia oan sira nia kontínua akompaña no gia ita atu la la’o mesak, hamutuk ho Maria iha moris Komunidade ita sei hatudu ita-nia komuñaun fraterna, iha ne’ebé bele halo esperiénsia kona-ba Na’in nia prezensa.

Iha loron hirak ne’e Irmán mós foti inspirasaun husi Dokumentu sira Kreda nian kona-ba Valór Teolójiku no Espirituál moris Komunidade nian.

• PC 15; Moris hamutuk, tuir primeira Komunidade sarani sira nia exemplu, ne’ebé fiar ho neon no laran ida deit. Komunidade hanesan iha família ida deit, ne’ebé hamutuk uniaun iha Na’in nia naran no haksolok iha Ninia prezensa.
• CDC 602; Komuñaun fraterna ne’ebé harii iha karidade sai nu’udar exemplu rekonsiliasaun Kristu nian ba raiklaran.
• NMI 43; Espiritualidade komuñaun nian mak iha kapasidade atu deskobre ema nia di’ak, ema nia pozitivu, atu simu ninia rikusoin no fó valor ba nia nu’udar Maromak nia prezente mai ha’u.
• Afresh from Christ. 28; Atu bele harii espiritualidade komuñaun nian iha Kreda, ita tenke sai espesialista ba komuñaun no tenke pratika komuñaun nia espiritualidade nu’udar sasin ba projetu komuñaun nian ne’ebé Maromak iha, husi uluk kedas ba ema hotu.
•  CG XXI 16; Komuñaun mak Maromak nia mehi no mundu nia hakilar.

Hamutuk harii Sinal fraternidade nian

• Sai boot iha domin no halo buat hotu, hanoin deit ba komuñaun fraterna, nune’e sai prontu ba apostuladu , iha liafuan seluk atu kontribui ba serbisu evanjelizasaun.
• Konxiente ba abut familiár hodi hateke ba esperiénsia rasik ho esperansa hodi dezenvolve esperiénsia komuñaun ho Maromak no ema seluk. Maromak hakarak atu habelar Nia domin iha mundu; nune’e mai ita hamutuk sai misionária ba domin ne’e no sai sinal profétika iha kbi’it ida de’it katak “Jezús Kristu”.

Iha kada reflesaun ne’ebé reflete nu’udar grupu no pesoál ami nafatin la’o hamutuk ho Maromak nia liafuan no Konstituisaun ne’ebé sita iha kraik;

1. A Maggiore glória di Dio (Buat hotu ba Maromak nia Glória). Yes 40; 1-3, Luk 2; 46 – 48 no Konst. 49 Aman halibur ita iha Kristu. Nune’e hatais-an ho Jezús nia oferta ba Aman, halo matura ita nia saran-an, iha komuñaun resiproka, iha paixaun edukativa, iha simu kruz no iha orasaun animada tuir Kreda nia hanorin.
2. Mistica del Carisma (Místika Kharisma nian) Yes 40; 6-8, Luk 1; 49-50 no Konst. 50
3. Diventerai una Benedizione (sai bensaun ida) Yes 40; 3-5, Konst. 51 no L MM 66 “Hanoin katak ita lahatene halo buat ida no buat ne’ebé ita hanoin katak ita hatene ida ne’e mak Maromak nia liman ne’ebé serbisu ho ita.
4. Un Pastore con l’odore delle pecore (Bibi-atan ida ho dois bibi sira nian – Amu-Papa Francisco) Yes 40; 9-11 no Konst 53. Haforsa liután liafuan ne’e Amu-Papa João Paolo II dehann Vida Konsagrada mak nakonu ho fantazia Karidade nian ne’ebé auténtika konfirma Evanjellu. “Karidade obriga ema atu halo di’ak”.
5. Perche’ la vostra gioa sia piena Yes 41; 17-20 no Konst 54
6. Vi dono il cuore e l’anima mia (ha’u fó ba Ita Boot ha’u nia fuan no ha’u-nia klamar) Yes 6; 1-11 no Konst 62. “Hamutuk harii uma domin Maromak nian”.

Iha  konkluzaun, remata ho liafuan Alfabeto della comunita’ nian  ne’ebé dehan fó liman ba ema ne’ebé presiza.

1. Amare la Comunita’; ha’u la la’o mesak, ha’u hadomi ha’u nia komunidade no la’o hamutuk ho nia.
2. Benedire la Comunita’; sai bensaun ba komunidade
3. Contemplare la Comunita’; kontempla ha’u nia komunidade
4. Dialogare con la Comunita’; ko’alia ho ha’u nia komunidade, aprende atu husu obrigada no husu deskulpa
5. Edificare la Comunita’; sensu atu harii komunidade
6. Favorire la Comunita’; favorese komunidade no hamutuk harii komunidade.

Obrigada ba domin ne’ebé Irmán Sebastiana fahe ona ho ami ba liafuan murak sira ne’ebé repete beibeik ba ami hodi buka nafatin buat ne’ebé di’ak tuir Maromak nia hakarak, hodi tane liman nafatin ba Maromak nia grasa no buka sai elementu harii nian iha komunidade, ami agradese.  Ikus, ami mós halo ami-nia hilin sira nu’udar grupu no pesoál, ami hakarak sai ema foun no harii ami-nia komunidade, hasoru ami-nia Irmán sira, labarik no foin-sa’e feto eh mane no edukadór/a leigu/a sira. Tempu hanesan haforsa ami-nia hakarak sai hanesan fini ki’ik no konstrusaun nian!

(Agata Freitas)