RV – Iha katekeze kuarta, 17 Agostu, Papa Francisco reflete kona-ba milagre multiplikasaun paun nian. Ba ema lubun-boot sarani sira-nian Amu-Papa enfatiza Jezús nia kompaixaun.

Download

“Jezús la’ós malirin, la iha fuan malirin”… Jezús iha kbiit atu sente emosaun. Maski Jezús sente ligasaun ho ema lubun-boot, nia mós sente nesesidade atu iha momentu sira solidaun nian, orasaun nian ho aman. “Dala barak nia pasa kalan hodi harohan ho nia Aman (…) Ninia kompaixaun la’ós sentimentu ida ne’ebé liu de’it: maibé nia hatudu forsa tomak vontade nian atu hela  besik ita no atu salva ita. Nia hadomi maka’as ita. Jezús hadomi ita maka’as. No nia hakarak besik ita”.

Hodi subliña katak Maromak bá hasoru ema nia nesesidade sira, nia mós dehan katak Maromak hakarak ita partisipa konkretamente iha ninia kompaixaun. Kompaixaun konkreta book liman no fuan, no ia Evanjellu ne’e, kompaixaun tradús iha fó han ba ema rihun ba rihun. Hafoin Jezús hakarak envolve ninia dixípulu sira: “Milagre ida ne’ebé Jezús halo, maibé ne’e mak milagre ida fiar nian, orasaun nian ho kompaixaun no domin. Nune’e, Jezús ‘silu paun sira no fó ba eskolante sira no eskolante sira ba ema lubun-boot’ (v.19). Sira foti paun ida, sira silu, sira fó no paun sei iha. Sira foti dala ida tan no nune’e mak eskolante sira halo”.

Pontu seluk ne’ebé Papa Francisco bolu ema nia atensaun mak bensaun ne’ebé Jezús fó ba paun no ikan sira ne’ebé sei fahe ba ema sira. Jestu sira-ne’e, “ne’ebé amlulik sira halo bainhira selebra Eukaristia”. No husi komunidade sarani moris no moris hikas husi komuñaun eukarístika ida-ne’e”. Amu-Papa remata hodi husu atu “sarani ida-idak sai servidór mizerikórdia nian”.

Moris komuñaun ho Kristu lori ita atu tama liután iha relasaun ho mane no feto sira ita-nia tmepu nian, atu oferese ba sira sinál konkretu Kristu nia mizerikórdia no atensaun.