Husi Laga depoizde Irmán III idade nia enkontru (Laga, 8-9 Jullu)

“Irmán doben sira, hotu tiha ami-nia enkontru furak ne’e, ami hakarak transmite ba imi mensajen ida ne’ebé sai husi ami-nia fuan: mensajen gratidaun nian ba tinan sira moris nian ne’ebé Na’i haraik mai ami no ami hein katak imi mós bele hetan.

Mensajen ida ksolok nian ba ami-nia vokasaun relijioza no saleziana ne’ebé ami sai fiél to’o ohin loron no ami fó agouru fidelidade nian ba imi mós.

Mensajen esperansa nian ne’ebé suporta ami iha ideál serbí foin-sa’e sira iha karizma nia espíritu, iha komuñaun ho imi hotu, maski ami-nia otas nia limitasaun sira.

Ho domin oan sira nian ami konfia iha ita-nia Inan Auxiliadora nia tulun no ami fó agouru atu imi bele kontinua bá oin no imi bele konfia iha ami.

Sr. Gianna, sr. Maria, sr. Cecilia“