Ba Sua Santidade Francisco I

Santidade,

Ami mai hasoru Ita ho ksolok boot atu esprime ami-nia augúriu kordiál ba misaun Sumu Pontefíse Kreda Katólika no Bispu Roma nian ne’ebé ita simu bolun atu hala’o husi Kardeál partisipante Conclave nia vontade.

Orasaun ba Papa no ba responsabilidade aas halo ami empeña an iha primeira liña, tanba domin ba Susesór Pedro nian mós ne’ebé ami-nia Fundadór no Aman S. Giovanni Bosco husik ba Família Saleziana. Oras-ne’e iha ne’ebé ami bele hanoin ba Papa ho naran ida no oin ida ami-nia orasaun sei sai maka’as liután.

Pedro nia roo iha Pilotu  foun ne’ebé, hodi hakohak liman-rohan espirituál Bento XVI nian, sei gia Kreda iha tempu ne’e, nakonu ho dezafiu, maibé riku iha oportunidade no sinál sira esperansa nian.

Hodi “Figlie di Maria Ausiliatrice “ hotu nia naran namkari iha Kontinente lima, ha’u esprime adezaun filiál ba ita-nia Majistériu Bibi-Atan no Aman Kreda Katólika nian.

Ami-nia fidelidade ba Papa hakarak tradús iha vida relijioza ida auténtika liután, adere ba Evanjellu no ba karizma salezianu: bee-matan sira ne’ebé hamoris no fó fekundidade vokasionál mós.

Ho Kreda tomak ami esprime ami-nia empeñu iha Evanjelizasaun Foun liuhusi edukasaun jerasaun foin-sa’e sira-nian to’o anúnsiu esplísitu Jezús nian.

Ami konvensida katak hodi sai Nia dixípula apaixonada de’it, mak ami bele sai misionária sira Ninia domin nian tanba ami sei hatene hatutan ho ami-nia moris faxíniu ba ninia prezensa ne’ebé hakonu ho sentidu, ksolok, dame ezisténsia umana.

Ami hamutuk ho Ita, Santidade, iha saudasaun ba Virjen ne’ebé hamutuk ho nia ita hakarak hahú Ita-nia Pontifikadu. Maria Ausiliadora kontinua haraik bensan ba ita-nia moris no halo nia sai fekundu ba misaun foun.

Ami oferese ami-nia orasaun atu iha Tinan Fiar nian ida-ne’e, ita-nia gia nakonu ho roman orienta  umanidade ba hasoru Jezús.

 

Roma, 13 Marsu 2013

Irmán Yvonne Reungoat fma