Domingu V Tempu Kuarezma – Tinan C
Tema domingu V tempu Kuarezma nian
Liturjia ohini nian konvida ita ba deskoberta Maromak nia domin nian, hodi haka’as an atu hala’o moris ida komuñaun nian ho Nia.
Evanjellu aprezenta mai ita Aman Maromak ne’ebé hadomi ho forma gratuita, ho domin fiél no rohan laek, maski oan rebelde halo hilin laloos no lahó responsabilidade. No domin ida-ne’e nafatin hein, lahó kondisaun, atu simu no hakohak oan ne’ebé deside atu filafali. Ne’e mak domin ida laran-sadia nian no la’ós tuir justisa ema nian.
