Dili  – Ohin, iha dadersan tk.09.00, iha enkontru ba  Cronista sira husi komunidade Dili laran nian iha uma Povinsial FMA – Comoro, ne’ebe Ir Veronika Kusnadi, sekretaria provinsial, mak fasilita. Ohin lokraik  mos hahu loron retiru nian ba irman sira iha lian Italiano, nune’e iha mos irman cronista sira husi komunidade la’os husi Dili nian  ne’ebe tuir enkontru ne’e.

Objetivu enkontru ne’e mak atu tulun cronista sira bele hakerek diak liutan cronaca komunidade nian. Ne’e importante tanba husi cronaca komunidade ida-idak nian mak sei costrui istoria iha livello Ispetorial nian;  Istoria Ispetorial ida-idak nian husi fatin oioin sei costrui istoria ba Istitutu tomak, ne’e mak cronaca ninia funsaun.   Nune’e bele dehan Cronaca mak “Istória-nia pedasu ki’ik-oan iha istória boot Institutu nian”. No ninia karakteristika mak Haktuir akontesimentu signifikativu sira – tuir orden data nian – kona ba komunidade nia MORIS REÁL no ESPIRITUÁL.

Tanba iha cronaca laran, data sira, naran sira tenke hakerek loos no kompletu, situasaun sira tenke loos no klaru; neutrál (oggettivu). Sei hakerek ho liafuan ka espresaun ne’ebe ema hotu komprende liu-liu ba ema ho kultura la hanesan. Cronaca la’os fatin lista nian ka «aeroportu» nia orariu(maski iha uma ruma ema ba mai beibeik), la lika uza liafuan jerál, halo poesia ka aumenta eh tutan, la bele subar limitasaun, sala no frakasu sira.

Ikus mai bele dehan katak cronaca maka istoria ne’ebe hatudu komunidade nia “oin” loos, hahalok fidelidade nian ne’ebé hatudu ita-nia sentidu hola parte nian, documentu ida ne’ebé la bele lakon, dalan ida atu komunika entre jerasaun sira FMA nian. Hanesan  DB dehan:  “Imi bele halo buat barak maibe imi sei la hanoin hetan buat ne’ebe imi halo” .

(Veronika Kusnadi)