Kardeál eleitór115 prontu atu hili Papa foun

Koléjiu kardeál sira-nian iha sira-nia asembleia jerál ba dala 8 deside katak Conclave ba eleisaun Papa foun sei hahú iha loron 12 Marsu 2013. Ida ne’e tuir komunikadu husi Sala Imprensa Santa Sé nian. Missa “Pro Eligendo Pontefice” (molok hili) sei selebra iha Bazílika S. Pedro nian iha dadeer ni iha loraik kardeál sira sei hahú Conclave.

Kardeál eleitór 115 cardinal prontu atu vota Papa foun. Idade média kardeál sira-nian mak 72, sira barak Bento XVI mak foti no liu metade mak europeu.Iha kardeál italianu 28 nune’e sira mak grupu boot liu, maibé kontinente lima iha hotu sira-nia reprezentante.

 

– Idade média 71-72. Iha kardeál 8 ne’ebé foin halo tinan 80 ka sei halo tinan 80 tinan ida-ne’e.

– KASPER mak kardeál katuas liu no THOTTUNKAL mak kardeál foin-sa’e liu. Kardeál alemaun Walter Kasper halo tinan 80 iha loron 5 Marsu, molok hahú conclave maibé depoizd hahú períodu sede vacante. Kardeál ne’ebé bele hili mak sira ne’ebe to’o tinan 80 de’it. Severino Poletto no Juan Sandoval Iniguez fulan Marsu mós sei halo tinan 80. Kardeál joven liu mak indianu Baselio Cleemis Thottunkal ne’ebé sei halo tinan 54 iha Juñu. Kardeál filipinu Luis Antonio Tagle nia tinan mós iha Juñu hodi halo tinan 56. Iha mós kardeál rua ne’ebé seidauk iha tinan 60: alemaun rua no olandés ida.

– Liu metade husi kardeál eleitór sira ema Europa. Ita iha eleitór 60 husi kontinente antigu Europa, tuir mai Amérika Latina ho reprezentante 19 no Amérika Norte ho reprezentante 14 (totál 33), Áfrika iha 11, Ázia 10. Australianu iha ida, nia mak George Pell.

– Itália mak iha membru barak liu, tuir mai Estadus Unidus. Itália iha kardeál 28 atu reprezenta iha Conclace. Estadus Unidus iha kardeál eleitór 11 no Alemaña 8. España iha lima  no Brazíl mós iha kardeál lima ne’ebé sei tama iha Capella Sistina.

– Kardeál eleitór 67 Amu-Papa Eméritu mak foti sira. Maioria, 58%, Bento XVI mak foti sira. Sira 48 seluk João Paulo II mak foti sira. Husi Paulo VI iha kardeál rua maibé sira-nia tinan liu ona 80 nune’e la bele vota iha Conclave.

– Relijiozu19. Salezianu no Fransiskanu mak iha reprezentante barak liu uha Conclave, ida-idak iha kardeál haat. Husi Don Bosco nia família mak Tarcisio Bertone, Angelo Amato, Raffaele Farina no ida husi Honduras, Oscar Maradiaga. Fransiskanu sira iha: brazileiru, Claudio Hummes, españól, Carlos Amigo Vallejo no Áfrika Súl ida, Wilfrid Fox Napier;  kapuxiñu amerikanu, Sean Patrick O’Malley, mós hola parte ba grupu ne’e. Iha mós jezuita rua, dominikanu rua no redemptorista ida, lazarista 1, Sulpi There are also two Jesuits, two Dominicans and one Redemptorist, one Lazarist, sulpicsianu ida, misionáriu oblatu Maria Imakulada 1, skalabrinianu 1 , mariamite1 no husi padre Schonstatt ida mós.