Sidade Vaticano -Iha ninia katekeze Amu-Papa afirma dala ida tan katak nia nia la husik krús, maibé besik ba Na’i Krusifikadu ho modu foun”. Nia hatutan: “Ha’u la lori ona podér ofísiu nian ba governu Kreda nian, maibé iha servisu orasaun nian, ha’u bele dehan, hela iha resintu S. Pedro nian.  S. Bento, ne’ebé ha’u lori nia naran nu’uda Papa, sai mai ha’u ezemplu boot iha buat ne’e. Nia hatudu mai ita dalan ba vida ida, ne’ebé ativa ka pasiva, pertense tomak ba Maromak nia obra”.

[Asesu kópia ho lia-tetun]

 

Nia dehan tan katak nia desizaun ne’e tanba domin ba Kreda: “Hadomi Kreda signifika mós iha korajen atu halo hilin difisil, terus, hodi buka nafatin Kreda nia di’ak no la’ós an rasik nian”.
Amu-Papa esplika katak iha fulan ikus sira ne’e nia sente nia forsa sira sai menus ba beibeik no nia husu Maromak “ho insisténsia, iha orasaun, atu leno ha’u ho nia roman atu halo ha’u foti desizaun loos ida, la’ós ba ha’u-nia di’ak, maibé ba Kreda nia di’ak”.

 

“Ha’u halo ain-hakat ida-ne’e ho konxiénsia tomak kona-ba ninia gravidade no mós inovasaun, maibé ho hakmatek kle’an espíritu nian. Hadomi Kreda signifika mós iha korajen atu halo hilin difisil, terus, hodi buka nafatin Kreda nia di’ak no la’ós an rasik nian”, nia afirma.

Bento XVI sei husik nia ministériu petrinu iha kinta ohin, loron 28, tuku 8 kalan (oras Roma nian, tuku 8 dadeer loron 1 Marsu oras TL nian) no nia sei hela tempu ruma iha Castel Gandolfo to’o eleisaun Papa foun, hafoin sei hela iha mosteiru S. Bento iha Roma, besi-besik Bazílika S. Pedro.