Concordata entre Estadu Vaticano no Estadu Timor-Leste

Dili – Estadu Vaticano no Estadu Timor-Leste assina tiha ona Concordata iha tinan kotuk, presizamente loron 14 Agostu 2015. Hafoin iha 3 Marsu 2016 Sekretáriu Estadu Vaticano no primeiru-ministru Timor Leste prezide serimónia troka instrumentu ratifikasaun Concordata nian entre parte sira, ne’ebé halo atu Concordata vigora ona. Atu halo ida-ne’e, ekipa husi Governu Timor Leste no ekipa Conferência Episcopal Timor Leste servisu dauduan atu hetan entendimentu ba implementasaun Concordata ne’e nian. Iha enkontru 30 Juñu, ekipa rua konsege ona hetan entendimentu ba Polítika Jerál kona-ba akordu ne’ebé regulamenta kontribuisaun finanseira husi Estadu Timor-Leste no akordu ba implementasaun Concordata nian. Agora ita hein rezultadu husi nivel aas parte rua nian.

Concordata ne’e iha preámbulu ida no artigu 26 ne’ebé ko’alia kona-ba rekoñesimentu personalidade jurídika Kreda Katólika nian no ninia Instituisaun sira iha Timor-Leste.

Tuirmai iha aprezentasaun konteúdu mínimu Concordata nian, ne’ebe Pe. Júlio Crispim aprezenta ba klérigu no relijiozu sira iha loron 10 Maiu 2016.

Konteudu Minimu husi Konkordata