Dili – Enkontru formativu diretora sira-nian sai momentu atu fahe esperiénsia sira no mós forma an hamutuk iha servisu animasaun nian. Nune’e, iha 1 Juñu, iha kontinuidade ho formasaun fulan  Outubru 2015 nia tema kona-ba animasaun vokasionál, Irmán diretora sira reflete no fahe kona-ba Amu-bispu Virgílio do Carmo da Silva sdb nia konferénsia ida  ho tema “Dezafiu formasaun ba vida konsagrada iha Timor-Leste”.

Download testu nia rezumu 

Enkontru fahe ba momentu II; momentu dahuluk ami rona fali Don Virgilio nia konferénsia ne’ebé nia halo ba Formadores iha Curso Inter-Congregasional (28-4-2016) ne’ebé hatutan fali husi Ir Alexandrina Pinto; hafoin Me Alma fó pergunta rua ba diretora sira atu reflete, hodi fahe iha grupu. Pergunta sira: 1. Aspetu sira ne’ebé hetan iha komunidade hanesan ho Amu-bispu nia konferénsia; 2. Sujestaun ruma ba ita-nia Inspetoria bazeia ba tema.

 Iha grupu, Irmán sira konsege identifika aspetu lubuk ida no  sujestaun sira ne’ebé Inspetoria presiza fó atensaun liuliu selesaun ba kandidata sira no konxiénsia nu’udar komunidade formativa; katak, membru komunidade hotu tenke iha responsabilidade ba formasaun. Hafoin depoizde han meiudia, hanesan, hanesan baibain iha informasaun no komunikasaun sira.

(Alexandrina Pinto)