Liturjia Liafuan domingu ne’e nian marka ho dimensaun profétika, iha Elias, profeta esperansa no moris nian, iha Paulo, profeta Evanjellu simu husi Maromak, no ho modu partikulár, iha Jezús, profeta boot ne’ebé vizita nia povu iha atitude oblasaun totál nian.

Leitura dahuluk aprezenta mai ita figura feto Sarepta nian, ne’ebé signifika lakon esperansa no sentimentu derrota hodi buka kulpadu, no figura profeta Elias nian, ne’ebé fiar iha Maromak moris nian, ne’ebé la abandona ema ba mate nia ukun, hodi halo moris-hi’as feto-faluk nia oan-mane.

Iha Evanjellu,  ita iha revelasaun Maromak nian espresa iha atitude laran-sadia no laran-luak husi Jezús iha milagre resureisaun feto-faluk nia oan-mane nian. Maromak vizita nia povu iha Jezús, “profeta boot ida”, hodi realiza reinu liuhusi resureisaun, oferese moris no fó sentidu ba nia.

Download