Festa agradesimentu komunidade Maria Auxiliadora – Venilale

Venilale –  Maromak ho ninia kriatividade kria ema ida-idak la hanesan, ho oin no fuan ne’ebé uniku, orijinál, maibé Nia  hadomi no halibur iha ne’ebé ema ida-idak bele esperiénsia kle’an kona ba  espíritu familia no domin nian. Halo ami  hola konsiénsia kona ba bolun ne’ebé simu nu’udar don, prezente ba EMA SELUK. 

Ho klima no reflesaun kona ba mizérikordia, ami komunidade Maria Auxiliadora hili tema: “Ho fuan laran sadia ita dehan obrigada”, ba ami nia festa agradesementu komunidade nian. Ami nia programa  reza ba malu hahu iha 07/05/2016 to’o 21/05/016. Reza ba ema ida-idak ne’ebe hola parte iha komunidade nia misaun no loron ikus oferese misa no orasaun partikular ba Diretora Me. Esmeralda, hamutuk ho nia hodi hasa’e agradese ba Na’i, ba buat di’ak hotu ami simu iha tinan 2016 nia laran. Misa hotu tiha, kontínua kedas ho atraksi, no konviviu konfraternizasaun hamutuk ho leigus no kolaboradores komunidade nian iha Refetorio Orfanatu Saun Domingos Savio – Venilale.

Ita agradese ba Don Bosco no Madre Mazzarello,  ne’ebé husik mai ita tradisaun furak liu atu deskobre iha komunidade laran, Irman maluk sira-nia di’ak.

(Agata Freitas)