Baucau – Komunidade FMA Baucau hamutuk ho Família Saleziana selebra festa Santa Maria Mazzarello nian, ohin 20 Maiu. Iha partisipasaun di’ak husi gurpu ADMA, Antigas Alunas no labarik sira, maski ohin loron  restaurasaun independénsia nian.

Festa muda tiha mai loron ne’e tanba la konsege selebra iha loron 9 Maiu eh loron 13 hamutuk.

Eventu hahú ho kuiz Made Mazzereelo (MM) nian iha-ne’ebé tau hamutuk mós pergunta kona-ba Na’i-Feto no Domingos Savio nian, anima husi Antigas Alunas sira. Husi grupu sekundária, grupu Laura mak manán no husi nivel pre-sekundária oratorianu Diwake mak manán. Nivel eskola elementária sei hala’o fali iha bairua, bainhira labarik sira sei ba halibur hamutuk iha Diwake ba momentu amizade nian.

Aleinde kuiz, iha mós animasaun dansa oioin husi grupu sira no merenda hamutuk. Labarik feto Diwake nian gosta tebes dansa no sira mesak buka atu aprende dansa modernu oioin atu aprende no hafoin hatudu ba sira-nia kolega sira.

Buat ne’ebé importante mak Eukaristia, selebra husi P.David Savio. Iha ninia omilia, Pe David konvida hotu-hotu atu hateke ba Madre Mazzarello nu’udar modelu santidade nian. Se Madre Mazzarello konse ge sai santa, nia ne’ebé ema simples ida, ema la eskola boot, tansá ita labele?

Importante mak hatene sai ema ne’ebé haraik an, hadomi Eukaristia no devosaun ba Na’i-Feto. Nune’e mak Madre Mazzarello halo.