Informasaun kona-ba “Centro de Formação Madre Madalena Morano”
Fuiloro – “Centro de Formação Madre Madalena Morano” oferese Kursu Sekretariadu no Kostura, atu hatán ba foin-sa’e sira nia nesesidade.
Vizaun-misaun: “prepara foin-sa’e ho valór umanu, kristaun no profisionál, nune’e sira prontu atu envolve an iha kkampu servisu nian ho dignidade, kompeténsia no responsabilidade”.
Centro ne’e nia prioridade mak foin-sa’e sira ne’e be nia família laiha possibilidade finanseira atu selu kursu iha universidade. Haree ba nesesidade ida ne’e mak iha tinan 1990, Kongregasaun FMA liuhusi benfeitór sira nia tulun harí Koléjiu ne’e ho fasilidade hanesan: dormitóriu ba estudante Escola Técnica Agrícola, Kursu Sekretariadu no kostura. Ofisialmente kursu ne’e hahú iha tinan letivu 2002— 2003 to’o ohin loron.
Agora daudaun CFSC forma joven sira ho Sertfikadu nivel I & II administrasaun nian tuir padraun nasionál tanba hetan ona akreditasaun husi INDMO nu’udar fornesedór formasaun nian.
Tinan ne’e, formasaun Kursu hahú loron 4 Fevereiru 2013 no sei remata fulan Setembru 2013.
Tanba kursu ne’e formasaun profisionál iha mós oras aloka ba estájiu ne’ebé sei hahú loron 16 Setembru -16 Novembru 2013 (Estájiu fulan 2)
Totál aluna sira tinan nee hamutuk 66.Aluna sira kursu Sekretariadu hamutuk 63. Aluna sira kursu kostura hamutuk nain 3.
- Aluna sira mai husi Distritu 6 iha Timor laran
- Distritu Lospalos hamutuk 27
- Distritu Baucau hamutuk 23
- Distritu Bobonaro hamutuk 10
- Distritu Viqueque 1
- Distritu Manatuto 3
- Distritu Dili 2
Informasaun seluk:
- Matéria ba Administrasaun I hamutuk 13 matéria. Total oras hamutuk 440
- Matéria ba Administrasaun II hamutuk 16 matéria. Total oras hamutuk 500
- Matéria administrasaun II kontinuasaun husi Matéria administrasaun I
- Professores / Dosente ba tinan ida nee hamutuk 8
- Não Dosente nain 3
