Fuiloro – Domingos Savio  kompara ninia-an nu’udar  hena no ema ne’ebe ajuda nia mak alfaiate ka suku nain, wainhira  Domingos Sávio  hasoru Don Bosco ba dala uluk nia uza komparasaun ida nee, nia entrega-an ba Don Bosco no dehan, “Don Bosco hau hanesan hena iha onia liman, O mak  alfaiate ida tesi no suku hau sai hena furak ida ne’ebe bele oferese ba Nai Maromak”.

Entrega-an  ba ema hodi fiar katak ema ne’ebe  ita hasoru ne’e Maromak mak haruka atu tulun ita, hodi  fo-an atu ema ne’e, Sukat, Tesi, Suku ita, laos buat ruma ne’ebe fasil,maibe se hakarak SANTIDADE mos la susar.

Iha loron nakonu ho grasa ne’e Sr. Ilidio Ximenes visita ami nia Centro no fo Komputador lima ba ami. Obrigado Nai. Ba Maromak buat ida la susar, nune’e iha tempu ne’ebe ami  preokupa tan Komputador   balu estraga, Maromak haruka Providensia mai  liu husi Sr.Elidio  Ximenes  nia visita iha ami nia Komunidade.

Hafoin, iha loron 07/Maio/2016, atu hametin Amizade no Ko-responsabilidade entre Inan-Aman no Madre hotu ami iha Enkontru ho inan Aman menina eh feto-raan sira Kolejiu Morano. Objetivu mak atuharee hamutuk oinsa atu ajuda oan sira ba futuru  furak no kmanek tuir Maroimak Nia hakarak.

(Leonilde Monteiro)