Husi Alexandrina Pinto

Dili – Iha tempu atu hasoru malu, iha tempu atu fahe. Nune’e, iha loron 5 fulan Maio 2016, iha Canossa Becora, Núncio Apostólico Mons. Joseph Marino halibur hamutuk ho Bispu na’in tolu ho konvidadu sira husi parte oi-oin husi estadu no Kreda atu agradese Mons. Ionut Paul Strejac, enkarregadu negósiu ba Vaticano iha Timor-Leste, ba nia serbisu excellent  nia hala’o durante tinan rua nia laran. Núncio Apostólico apresia tebe-tebes Mons. Ionut nia esforsu hotu atu bele hala’o Misaun iha Timor-Leste ho susesu. Mons. Marino agradese ba ninia kapasidade adaptasaun ba lian no kultura, ba relasaun diplomátika ne’ebé nia halo ho governu Timor-Leste, ninia servisu ho kreda no vizita iha fatin barak iha Timor-Leste, no tempu ikus nia ba selebra Páskua iha Illa Atauro, maibé liu-liu serbisu maka’as hodi realiza  asina akordu Estadu Timor-Leste ho Vaticano.  Mons. Marino mós hato’o fali nia benvindu ba Mons. Mario Codamo atu kontinua  Misaun iha Timor-Leste.

Husi parte seluk Prezidente  Konferénsia Episkopál Timor-Leste Don Basilio mós hodi Kreda no Povu Timor-Leste nia naran hato’o nia agradese ba Mons. Ionut, no aprezenta sentidu ksolok no susesu ba Mons. Ionut nia servisu iha Vaticano.  Ita-nia ksolok  boot tanba hodi Mons. Ionut nia servisu iha Vaticano ne’e sei halo Povo doben Timor-Leste besik liu ba Vaticano liu husi ema na’in rua ne’ebé iha domin no amizade boot ho Timor-Leste,  Kardeál  Pietro Parolin no agora dadaun sei ba Mons. Ionut.

Prezente iha eventu ne’e, reprezentante husi Governu, Senhor Armindo Pedro Simões, Director Nacional para Europas, hodi  hato’o sira nia apresiasaun no agradese ba Mons. Ionut nia servisu no relasaun di’ak ho Governu Timor-Leste. Sira mós hato’o fali sira nia benvindu ba Mons. Mario, no sira espera atu mantein relasaun no servisu hamutuk ba Povu, Kreda Timor-Leste nia di’ak.

Mons. Ionut mós hato’o nia agradese hanesan iha testu tuirmai ne’e:

«Your Excellencies, Dear Fathers, Dear Brothers and Sisters, dear friends.

1.I would like to thank H.E. Mons. Joseph Marino for his kind words and especially for all his support and trust during my mission here in Timor Leste. If my work and activity was what is was is due to him, to his trust and support which I really appreciated.

2.Hau hakarak agradece Sua Excelência Mons. Basílio do Nascimento no liu husi ita boot, hau hatutan hau nia agradecimento mos ba Igreja local iha Timor Leste nebe simu hau ho liman nakloke no simu ho fuan laran, hahu kedas husi loron uluk hau nia presença iha rai doben ida nee.

Hau iha Timor, iha deit tempo badak, maibe intensu eh nakonu tebes ho actividade sira no hau lori ho hau, memória di’ak barak tebes husi rai furak ida nee, no ho nia emar sira nebe maravilhoso teb-tebes, husi Oecusse to’o Maliana no husi Ataúro to’o Bazartete, husi Santuário Soibada to’o tradição sira nebe maravilhoso tebes ema Viqueque sira nian, husi Hatulia no Ermera to’o Gleno no Aileu no Manucasa.

Oinsa los mak hau bele haluha Baucau no Venilale nia furak, furak rai Laleia, Laclubar no Lacló nian, furak rai Loilubo no Ossu nian. Husi lorosa’e to’o loromonu no husi tasi feto to’o tasi mane…

Mons.Ionut_Farewell Speech