Vizita kanónika Ir. Alma Castagna, FMA

Venilale – Iha tinan ida ne’e, ami komunidade Maria Auxiliadora-Venilale ho ksolok boot simu Madre Alma ninia vizita ne’ebé hahú husi loron Sabadu 30 de Abril  – 6 de Maio 2016. Iha vizita ne’e nia mos ba haree besik liután Oratorio balun ne’ebe irman sira domingo-domingo ba hala’o apostuladu.

Iha sosiedade foinsa’e  no labarik sira mak periferia atu to’o iha ne’ebá, Ami Komunidade Maria Auxiliadora hahu loke tan oratorio foun iha UAI-HACO nune’e lato’o  deit  lian ne’e hakilar iha laran maibé sira hanesan ne’e la falta iha komunidade nia istoria. Vizita kanonika mak prezente boot ba komunidade no tempu hanesan oportunidade mós atu hasoru foinsa’e no labarik sira iha misaun. Nune’e komunidade deside madre Alma nia vizita kanonika nu’udar Maromak nia vizita  ba  Oratorio Uai-haco iha loron domingu 01/05/2016. Bairu tomak haksolok simu madre no ida ne’ebé akompaña no asiste mós iha eventu ne’e mak Diretora Ir. Esmeralda, tuir kultura simu ho tebedai hafoin lori ba kapela reza hamutuk no kontínua ho aktividade seluk.

Loron tuir mai, madre ba halo nia vizitaiha orfanato São Domingos Savio, labarik hotu ho ksolok  simu madre, no nu’udar oan,  sira mós konxiente no rekoñese katak Maromak dala barak hatudu Nia domin ba sira liuhusi familia Madre nian ne’ebé kontinua suporta no tulun sira iha material no espiritual, nune’e iha tersu oferese tomak ba madre nia intensaun no famila nian atu kontínua hatutan domin nain nian ho ksolok hodi dada ema wain ba Kristu. Labarik sira mós iha oportunidade atu hatudu sira nia teatru Laudato Si nu’udra dalan atu haklean Amu Papa nia Ensiklikal. Iha Madre nia mensajen ba labarik sira ne’ebé foti husi Amo Papa  nia surat dehan:“tempu ida ne’e mak tempu grasa nian, husu ba imi atu sai protagonista, jubileu mak tinan ida ne’ebé ita bolu santu, husu ba imi atu halo festa hamutuk ho espíritu, imi tenke sai boot nu’udar ema no tenke aten-brani iha domin. Imi hakas-an ka lae? La to’o sai boot iha isin maibé tenke sai boot iha laran no tenke lao ba oin iha imi nia fiar. Liuhusi buat ne’ebé kiik imi bele hatan ba Na’i. Kontínua ho Amo Papa nia liafuan, “ha’u la bele haluha labarik sira ne’ebé moris iha funu laran no abandonado”. Imi iha belun barak ne’ebé moris aat liu, nune’e imi ne’ebé iha ne’e reza ba sira atu bele hetan damen no domin. Basa imi moris iha mundu justu ida. Nune’e kna’ar solidariedade nian ne’ebé tenke halo mak reza ba kiak sira liu-liu sira ne’ebé iha funu laran no hakas-an halo buat hotu diak hodi halo moris sai santa”.

Ba konkluzaun vizita kanonika tinan ida-ne’e, ami selebra hamutuk Eukaristia nu’udar sinal gratidaun no domin nian ne’ebé hetan nia hún iha Jesus. Ami remata hodi merenda hamutuk ho labarik orfaun no kolaborador sira.

(Agata Freitas)