– Escola Maria Auxiliadora iha ninia Tradisaun espesial ba fulan Na’in Feto nian, katak fulan Maio no fulan Outubru. Nune’e  ohin dia 2 de Maio 2016,   eskola Maria Auxiliadora ho ninia alunos sira husi Pre-escolar to’o 3⁰  ciclo simu Nai feto Maria Auxiliadora husi kapela halo  prosisaun ba  sira nia turma, loron ida-ida hela ho sira, no hamuluk ho sira iha sira nia loron tomak.

Nai feto sei  visita aluno sira nia turma, no hela iha turma loron tomak ida, to’o dia1 de Junho  hafoin  mak fila fali mai iha Kapela.

Ne’e sai tradisaun ida ba eskola Maria Auxiliadora, atu kuda devosaun ba  Nai feto iha ki’ik oan sira nia fuan,hanorin ba sira katak;  Nai feto mak Inan ida ne’ebé  Tulun na’in, taun matan , no  akompña sira iha sira nia movimentos oin-oin iha sira nia moris loron –loron.

Maske sira sei kiik, maibe sira komporta diak loos, hodi halo sira nia prossisaun, tuir dalan  kanta, reza  lori Nai feto ba sira nia turma sira, hanesan ita hare iha sira foto sira tuir mai ne’e.

Razaun ida mós eskola nia Patrueira mak Na’i Feto Auxiliadora nune’e ami hahú ho professaun, reza tersu turma hafoin  iha kunkursu Mariano santo-santa Salesiana no remata ho Orasaun, jogos simu prezente no Missa iha Parokia Maria Auxiliadora-Comoro.

(Ermelinda Silva)