GRAZIE MADRE YVONNE!

Venilale – Edukasaun tuir sistema salesiana mak eduka ba komunikasaun domin no gratidaun iha oratoriano labarik  no foinsa’e sira, hodi hatudu ksolok no gratidaun ba Madre Jeral liu husi aktividade lubuk ida ne’ebé ami Komunidade Maria Auxiliadora halao no realiza iha dia 24/06/2016 hodi antisipa ba festa agradesementu ho razaun orario edukasaun nian ne’ebé fasilita oratorianu sira atu partesipa.  Uluk nanain hahu ho misa iha Igreja Paroquia Sagrado Coração de Jesus, ne’ebé preside husi Pe. João Gaspar. Iha homilia  Padre dehan abut iha domin ba moris, mak iha empeñu atu halo nia sai nakonu no naresin ba ema hotu, liu-liu ba sira ne’ebé kiik no kiak liu no hakarak hodi orienta ba dimensaun ne’ebé aas liu mak santidade. Nune’e  buat ne’ebé iha Art. 116  dehan Superiora jeral mak talin komuñaun no sentru unidade nian iha instituto, ita soin atu agradese tanba liu husi nia mak espiritu santu halo nia moris iha ema ida-idak nia istoria komunitaria to’o pessoal.  Madre Jeral hatudu mai ita buat di’ak barak liu husi nia liafuan no sasin kredivel ne’ebé konvida ita atu konsiente ba moris ne’e nia signifikadu.  Padre mós subliña kona-ba Madre jeral nia kna’ar espíritual mak hametin irman maluk sira nia fiar no vokasaun.

Depoizde ida ne’e ami kontinua ho konvivio iha salaun Paroquia, tema hirak ne’ebé sira lori mak  “Il canto dei callori”  ne’ebé la’o ho tema Gratidaun 2016 nian. Dansa koreografia ida ne’e koalia konaba kor oioin Maromak Nia kriasaun nian ne’ebé halo aifunan, foho, tasi, lalehan, aihun no buat oioin furak iha mundu tan ne’e ami agradese no ksolok ne’e kontinua ho merenda hamutuk.  Me. Esmeralda soares nia mensajem ba labarik no mós ba kolaboradores sira nia dehan: tuir tradisaun ita nafatin agradese maske dook, Ita hotu hamutuk halo moris sai furak, nune’e Fuan ida deit hamutuk ho Madre Ita dehan obrigada, no agradese ba madre nia fuan Misionaria, Agradese ba jestu domin nian no solidariedade ba ema kiik no kiak sira tulun ita atu kontinua haklaken Jesus Kristu nia laran sadia, ksolok no esperansa nian ba foinsae sira ne’ebé presiza liu ita nia tulun.

Nu’udar prezente espíritual husi Irman nain hitu iha komunidade mak oferese adorasaun intensu ba Madre nia intensaun hotu ba di’ak Instituto nian iha mundu no remata aktividade loron nian.

(AgataFreitas)