Fuiloro – Iha uma saleziana hotu konserteza iha oratóriu. FMA sira iha Timor-Leste hahú oratóriu iha fulan Janeiru, hanihira tinan letivu hahú. Iha Fuiloro foin hahú domingu ohin, 10 Fevereiru. Irmán na’in haat hamutuk ho animadór/a sira ba oratóriu iha sentru haat. Irmán Isaura iha Fuiloro Sentru, irmán Suzana iha Kampung Baru, irmán Alice iha Titilari, no irmán Meira iha Motara. Entre animadóra/a sira barak mak husi interna sira ne’ebé tuir kursu iha Centro Formação Morano, Fuiloro.

 

Oratóriu mak loos duni, obra dahuluk Don Bosco harii. Don Bosco halo oratóriu sai ambiente edukativu. Nia hakarak atu obra saleziana ida-idak sai uma ne’ebé simu, evanjeliza no eduka ba moris iha ninia aspetu oioin: kultura, múzika, teatru, desportu, tempu livre, katekeze. Oratóriu mak espasu nakloke, fatin atu joven sira haburas mo hasai sira-nia kriatvidade, fati n hasoru malu nian. Foin-sa’e sira mak halo oratóriu sai moris.

 

Defaktu ohin, labarik sira no animadór/a sira hale’u vila atu bolu sira-nia maluk seluk mai oratóriu. Balun envolve mós sira-nia inan. Irmán Suzana hateten katak, ohin mamá ida bolu nia atu ba reza ba nia oan feto tinan 17 ne’ebé paralizada husi ki’ik kedas. Nia estuda konsege estuda to’o eskola pre-sekundária hafoin para tanba paralizia sai grave liután. Menina ne’e haksolok tebes haree nia maluk sira haksoit no halimar, maski nia rasik labele.

Totál labarik no foin-sa’e sira ne’ebé ba iha oratóriu Sentru Fuiloro besik 60, iha Motara 60, iha Titilari 60 no iha Kampung baru 100.