Liturjia domingu ne’e nian destaka Jezús nia promesa atu akompaña ho forma permanente ninia komunidade nia dalan iha istória: ita la mesak; Jezús moris hi’as la’o nafatin iha ita-nia sorin.

Iha Evanjellu, Jezús dehan ba nia dixípulu sira oinsá sira mantein iha komuñaun ho Nia no afirma filafali ninia prezensa no asisténsia liuhusi “paráklitu” – Espíritu Santu.

Leitura dahuluk aprezenta mai ita Jezús nia Kreda konfronta an ho dezafiu sira tempu foun nian. Hodi  Espíritu nia kbiit, fiar-na’in sira aprende atu dixerne buat ne’ebé esensiál husi asesóriu no atualiza proposta sentrál Evanjellu nian, atu Jezús nia mensajen libertadora bele hetan simun husi povu hotu.

Iha leitura daruak, dala ida tan aprezenta mai ita meta finál dalan Kreda nian: “Jerusalém mesiánika”. Sidade komuñaun ho Maromak, vida nakonu, ksolok totál nian.

Download