RV – Presiza halo diferensa entre salan no sala-na’in, Amu-Papa hateten iha katekeze kuarta, 20 ABríl 2016, iha Vaticano. Amu-Papa kontinua siklu reflesaun sira kona-ba mizerikórdia, iha okaziaun Tinan Santu nian.

Papa Francisco komenta Evanjellu Lucas nia pasajen, ne’ebé hatudu istórisa feto sala-na’in ida ne’ebé tanis ba ninia salan sira iha Jezús nia ain, bainhira nia tur iha meza iha farizeu ida naran Simão nia uma. Amu-Papa destaka diferensa entre farizeu nia hahalok, no feto nian, ne’ebé konfia tomak iha Jezús ho domin no venerasaun. Maibé Maromak nia Liafuan hanorin atu distinge ente ema salan no sala-na’in.

Download

“Entre farizeu no feto nia hahalok, Maromak hili feto. Livre husi prekonseitu sira ne’ebé impede mizerikórdia atu espresa an, Mestre husik atu nia halo buat ne’ebé nia fuan hateten ba nia: Nia husik feto kona nia, lahó ta’uk atu sai kontaminadu. Jezús livre, tanba nia besik ba Maromak. No prosimidade ba Aman laran-sadia ida-ne’e mak fó liberdade ba Kristu”, nia hatutan.

Jezús fó ba feto perdaun ba nia salan sira, hodi hasai nia husi kondisaun izolamentu nian ne’ebé Simão no farizeu sira fó ba nia nu’udar kondenasaun. “Husi sorin ida, iha doutór lei sira-nia ipokrizia. Husi sorin seluk feto nia sinseridade, umildade no fiar. Ita hotu ema maksalak, maibé dala barak ita monu iha tentasaun ipokrizia nianmhodi fiar katak ita di’ak liu ema seluk. Ita hotu tenke hateke ba ita-nia salan sira, ita-nia monu sira, ita-nia erru sira. No ita hateke ba Na’i. Ne’e mak liña salvasaun nian entre ema maksalak no Na’i. Se ha’u sente an justu, relasaun salvasaun nian ida-ne’e la eziste”.

Amu-Papa subliña katak Maromak haree feto ne’e ninia fiar sinseru no ninia konversaun. Iha Jezús horik Maromak nia mizerikórdia nia kbiit, ho kapasidade atu nakfilak fuan sira, nia hateten. Iha testu ida-ne’e, liafuan “grasa” nia sinónimu mak mizerikórdia, Papa Francisco resalta.

“Maun-alin doben sira, ita tenke agradese Na’i ba nia domin boot no merese-laek ida hanesan ne’e! Ita husik Kristu nia