Ba Provinsiál sira no FMA hotu

 

Ho fuan nakonu ho komosaun, ha’u komunika ba imi katak iha tuku 18,10 ohin loron 5 Fevereiru (oras Itália), Na’i mai bolu ona ita-nia Madre Marinella Castagno doben atu lori nia iha ksolok rohan-laek iha Lalehan.

 

Ita oferse ba Aman Maroak nia vida ne’ebé saran tomak ba Nia, na Institutu, ba foin-sa’e sira feto no mane nu’udar prezente domin no maternidade nian iha espíritu auténtiku Don Bosco no Madre Mazzarello nian.

Ita harohan ba nia ho gratidaun boot ba di’ak notu nia kuda iha Inspetoria sira no iha ita ida-idak.

Mai ita sai laran-luak iha orasaun sufrájiu nian hanesan ita-nia Regulamentu hatudu (art. 35 no 36) nune’e mós husi domin ne’ebé ita iha ba ita-nia Inan no irmán  doben no haluha-laek ida-ne’e

Ho domin ha’u kumpriemnta imi hodi hamutuk nafatin iha komuñaun kle’an

Madre Yvonne Reungoat

 

Data ruma Madre Marinella nia moris nian

Moris iha 21 Maiu 1921 iha Bagnolo Piemonte, Itália, estuda iha FMA sira iha Giaveno no Torino. Iha 1946, ho tinan 24, sai postulante no iha 5 Agostu 1948 ihaa Torino, nia halo votus nu’udar FMA. Nia servisu iha sidade ne’e ba tinan 18 nu’udar asistente, profesora no konselleira eskolár.

Iha 1965 to’o 1971 sai diretora iha Uma provinsiál Milano nian. Iha 1973 Madre Castagno simu knaar atu troka Madre Elba Bonomi nu’udar Konselleira jerál no iha Kapítulu jerál 1975 nia hetan reponsabilidade nu’udar Konselleira Pastorál Juveníl nian, kargu ne’ebé konfirma fali iha 1981 hamutuk ho ida Antigas Alunas sira-nian. Iha Kapítulu jerál 1984 nian, liutiha Madre Rosetta Marchese nia mate, nia eleita nu’udar Superiora Jerál no hetan rekonfirmasaun iha Kapítulu Jerál XIX tinan 1990 nian.