Liturjia Domingu III Tempu Páskua nian fó hanoin mai ita katak komunidade sarani nia misaun mak fó sasin no konkretiza projetu libertadór ne’ebé jezús hahú ona; no katak Jezús ne’ebé moris hi’as akompaña nia Kreda iha misaun, hodi hamoris nia ho ninia prezensa no orienta nia ho nia Liafuan.

Leitura dahuluk aprezenta mai ita sasin ne’ebé komunidade Jerusalém nian fó kona-ba Jezús moris-hi’as. Maski mundu ba kontra projetu libertadór sarani sira-nian, ema sarani tenke uluknanai obedese Maromak duké ema sira.

Leitura daruak aprezenta Jezús, “bibi-oan” ne’ebé ema oho no manán mate no lori ba ema sira libertasaun definitiva; iha kontestu litúrjiku, autór tau kriasaun tomak ne’ebé hatudu nia ksolok no louvór/hahín ba “bibi-oan” ne’ebé manán.

Evanjellu aprezenta díxipulu sira hala’o misaun, hodi kontinua Jezús nia projetu makso’ik; maibé aviza katak dixípulu sira-nia hahalok sei hetan ézitu de’it bainhita sira hatene rekoñese Na’i Moris-hi’as ne’ebé besik ba sira no husik Nia gia sira ho ninia Liafuan.

Download