Liturjia domingu ne’e nian hatudu papél komunidade sarani nian nu’udar espasu privilejiadu ba enkontru ho Jezús moris-hi’as.

Evanjellu subliña ideia katak Jezús ne’ebé moris-hi’as mak sentru komunidade sarani nian; hale’u Nia mak komunidade ida estruturada no simu husi Nia kbiit atu enfrenta difikuldade no persegisaun sira. Husi sorin seluk, iha moris komunidade nian (liturjia, domin, sasin) mak ema sira hetan prova katak Jezús moris hela.

Leitura daruak insiste kona-ba motivu sentralidade Jezús nian nu’udar referénsia fundamentál komunidade sarani nian. Leitura aprezenta Nia la’o hamutuk ho nia Keda iha lurón sira istória nian no sujere katak iha Nia mak komunidade hetan forsa atu la’o no manán kbiit sira ne’ebé kontra moris foun Maromak nian.

Leitura dahuluk sujere katak komunidade sarani kontinua iha mundu misaun salvasaun Jezús nian; no hodi halo nune’e, nia fó sasin kona-ba Jezús moris-hi’as ne’ebé kontinua aprezenta ninia proposta salvasaun ba ema hotu.

Download