Jakarta – Sr. Erny no sr. Luisa hetan oportunidade outing ba Bogor, hamutuk ho foin-sa’e Akólitus Parókia S. Yohanes Bosco – Jakarta, husi 20-21 Fevereiru 2016. Sai husi Parókia ho Bensan Amo Paroko Padre Boediharjo, SDB. Akompana mos signora balun husi Parókia ne’ebé tulun ba komsumsi no organiza viajem. Outing ida ne’e ninia objetivu mak atu hametin liu-tan sira nia relasaun no atu bele buras iha responsabilidade nu’udar Akólitus.

Bainhira too iha destinasaun, komesa kedas ho Jogus “Nani nian iha Piscina Pinus” fatin ami hela ba. Tuir mai ho Jogus ular no seluk tan iha kampu tebe bola nian, gruppu seluk ho Basket too tuku 18.00. Han kalan hotu tiha reza tersu hamutuk, momentu importante atu reza ba sira nia an rasik, ba familia no ema hotu ne’ebé tulun iha okazaun ida ne’e. Depois ho jogus no hare Film too tuku 23.00.

Iha loron 21 fevereiru 2016 dader misa tuku 6.30, selebra husi Padre Onny, SDB. Iha ninia omilia fo hanoin ba Akólitus sira atu bele uza didiak sira nia tempu foin-sa’e nian,  tempu hanesan keta haluha hodi husu ba Maromak  atu haraik bensaun no konserva sira ida-idak iha laran mos nian. Laran moos hodi serbi Maromak iha Ninia Kreda. Remata misa kontinua ho matabisu no Jogus too tuku 11.00, taka ho han meudia. Iha tuku 12.30 fila fali ba Jakarta.

Agradese ba kmanek hotu ne’ebe ita simu iha semana ne’e. No husu Ninia bensaun ba semana foun ida.

(Luisa Fernandes)