Jakarta (Indonesia) – Iha tinan Jubileu Extraordinariu Maromak nia Mizerikordia ida ne’e KAJ (Keuskupan Agung Jakarta) iha atividade oin-oin, atu halo sarani sira halo esperiensia klean kona ba Maromak nia Mizerikordia ka laran-sadia. Atividade sira ne’e mak Retiro, Peregrinasaun, konfisaun, adorasaun.

Ohin, 13 Fevereiru,  FMA no  SDB hetan okazaun furak ida ne’e atu hahu Retiro kona tuir Programa KAJ nian.

Ami agradese ba Padre Jan Mangkey, MSC, reprezentate husi KAJ (Keuskupan Agung Jakarta) ne’ebé ho laran-luak fahe ho ami reflesaun kona ba Maromak nia Mizerikordia iha Vida konsagrada.

Mensajem Amo Papa nia kona “Maromak nia Mizerikordia iha relevanza tolu ba ita vida konsagrada hanesan tuir mai nee:

1. Ita presiza hetan esperiensia “Maromak ninia Mizerikordia iha espiritualidade kongregasaun nian. Ita nia fundador sira ”Don Bosco no Madre Mazzarello hatudu tiha ona Maromak ninia Mizerikordia ba labarik no foin-sa’e sira ne’ebé presiza liu hodi tau-matan ba sira”.
2. Iha moris komunidade oinsá ita hatudu ba malu Maromak nia Mizerikordia ida ne’e, liuhosi ita nia hasee, ita nia preokupasaun ba malu, jestu barak ne’ebe ita bele pratika iha ita nia relasaun hanesan Maromak hatudu ninia domin no laran sadia mai ita ida-idak.
3. Maromak nia Mizerikordia iha misaun ne’ebé entrega mai ita. Presiza fahe grasa ne’ebé ita simu, fahe ho ema seluk Maromak nia Mizerikordia, sai misionaria ksolok nian ba ema seluk. Ita presiza hafoun fila fali ita nia “hasoru malu ho Jesus loron ba loron” hodi nune’e mak ita bele haklaken Maromak ne’ebé ita hasoru ho entusiazmu foun nafatin.

Sai husi ita nia komunidade, husi ita nia Uma Kreda ba liur, ba iha luron sira ne’ebé presiza atu hetan ksolok Evanjellu nian.

Mai ita kontinua haklean no buka atu moris didi’ak tinan grasa ne’ebé ita nia Amo Papa Francisco ho Maromak Ninia Espirito no matenek haraik mai ita.

(Luisa Fernandes)