Husi ir Dolores Ribeiro

 

Venilale – Molok Selebra festa ba Beata Laura Vicuña horisehik, Labarik sira husi Orfanatu S. Domingos Savio-Venilale, halo preparasaun molok loron Selebrasaun nian. Iha preparasaun ne’e labarik sira liuliu sira ne’ebé Husi  klase 5 ba leten halo reflesaun kona ba laura nia virtude sira ne’ebé Nia iha. Virtude ne’ebé foti barak mak Nia iha maibe ida ne’ebé boot liu mak fiar, laran-moos no domin. Ba labarik sira Laura sai modelu di’ak atu promove liuliu ohin loron.

 

FIAR: Ne’ebé iha momentu  difikuldade nian nia sente nafatin Maromak nia prezensa iha nia sorin, nia sente katak Maromak la husik nia mesak no liuliu mak nia nafatin halai ba Maromak iha momento susar nia laran no huis fiar ne’e halo Nia sai brani atu hasoru difikuldades sira tamba fiar mak nu’udar chave ba nia moris. Hodi nia fiar mos mak  nia kuda aimaran ne’ebé bele dehan katak sei lammoris ona, Nia hili  iha mota no mai kuda iha uma no ikus mai aisanak maran ne’e sai  boot no buras.

LARAN-MOS: Nia nafatin husik ninia fuan mos atu bele ba simu Jesus iha Eukaristia  Santa. Iha ninia moris  Nia hatene katak iha tentasaun boot ne’ebé nafatin tuir nia, maibe nia la husik nia an atu bele monu ba Mane at ne’e nia liman

DOMIN : Laura hatudu ninia domin boot liu ba nai hodi hakarak saran nia an atu sai FMA ida, maibe tamba ho ninia Inan nia moris nia labele realiza buat ne’ebé nia mehi. Maibe ho dalan seluk nia hatudu nia domin boot ba nia inan hodi saran nia an tomak ba Nai atu bele salva ninia Inan husi perigo nia laran.

Reflesaun hamutuk kona ba virtude tolu ne’e konvida mos labarik sira atu reflete ba sira idaidak nia an no mos kompara ho sira idaidak nia moris loron loron nian no idaidak husu ba nia atu haka’as an hod buka moris tuir buat ne’ebé sira fahe iha reflesaun ne’e.

Hafoin iha loron tuir mai labarik sira hotu ba partisipa iah Eukaristia dadeer oras  06:30 iha parokia. Hafoin iha lorokraik halo festa hamutuk hodi apresenta fali nu’udar drama badak kona ba Laura ninia Virtude tolu neebé sira reflete o ikus liu merenda hamutuk hodi haksolok hamutuk ho Laura Vicuña.