Dili – Papa Francisco nomeia Bispu Dioseze Dili (Timor-Leste), D. Virgílio do Carmo da Silva, S.D.B. ne’ebé susede D. Alberto Ricardo da Silva, mate iha  Abríl 2015.

Amu Virgílio, to’o momentu nomeasaun, mak provinsiál Salezianu sira-nian iha Timor-Leste, moris iha Venilale, 27 Novembru 1967, iha dioseze Baucau.

D. Virgílio do Carmo da Silva halo nia dalan formasaun nian iha eskola saleziana iha Fatumaca, hafoin tama iha Sosiedade Saleziana D. Bosco nian (SDB).

Nia sei simu ordenasaun espiscopal iha loron 19 Marsu 2016.

Dioseze Dili moris iha 4 Setembru 1940 no ninia bispu dahuluk mak D. Jaime Garcia Goulart, hafoin  D. José Joaquim Ribeiro (1967-1977), tuirmai, D. Carlos Filipe Ximenes Belo (1988-2002) no  D. Alberto Ricardo da Silva (2004-2015).

Curriculum Vitae

Rev. do Padre Virgilio do Carmo da Silva, s.d.b, moris iha loron 27 fulan Novembro tinan 1967, iha Venilale, housi Diocese Baucau. Remata tiha nia estudo iha escola Salesiana, Fatumaca, no tama kedas ba Sociedade Salesiana Dom Bosco nian no halo nia profissão ba dala uluk iha loron 31 fulan Maio tinan 1990. Tuir kedas, iha tinan 1990 to tinan 1998, housi nia congregação haruka nia ba halao nia estudo filosofia no teologia iha Manila. Iha loron 19 fulan Março tinan 1997, nia halo nia profissão perpétua no iha loron 8 fulan Dezembro tinan 1998 simu ordenação nailulik nian.

Fila fali mai Timor-Leste no Padre Virgilio do Carmo da Silva, s.d.b, halao kna’ar hanesan tuir mai ne’e:

1999-2004: nudar Formador ba Aspirante sira iha Aspirantado Fatumaca;

2004-2005: nudar Ecónomo ba Uma formação iha Venilale no vigário paroquial;

2005-2007: Consegue remata Lisenciatura iha Teologia Espiritual iha Universidade Pontifícia Salesiana, Roma;

2007-2014: Mestre Noviço;

2009-2014: Direitor uma Salesiano nian no “Escola Técnica Superior de Dom Bosco” iha Fatumaca;

Iha fulan Janeiro tinan 2015, simu kna’ar nudar Provincial Salesiano nian to’o loron ohin.

Nia hanesan mos membro Conselho Provincial Salesiano nian no Conselho Presbiteral Diocese Baucau nian. Mandato ne’e nia simu ba dala rua hodi halao knaar hanesan vice Secretário Executivo iha Conselho nebe hanesan.

Além de Tetum, lian seluk nebe nia koalia mak, bahasa indonésia, portuguesa, inglesa, no lian italiana.

(Konferensia Imprensa 30-Jan-2016)