Fuiloro – Maromak  nia domin Miserikordia nian iha nafatin ba ema hotu iha tempu hotu,Ami nia komunidade sente no esperensia oinsa Maromak hadomi  ami liu husi Me.Alma,Madre Provinsial ninia prezensa iha ami nia komunidade,  hahu loron 19 -24 Jan 2016, Iha enkontro ho Madre iha komunidade Madre dehan ba ami  katak,Furak oinsa atu moris hamutuk iha FRATERNIDADE, ho nee deit buat hotu ne’ebe susar sai fasil, todan sai kman,laiha ema ida perfeitu,laiha fatin ida lalehan, nune’e ita nia hamutuk komprende malu,ajuda malu perdua malu,korije malu,sei halo ita komprende liu tan katak ita ida-idak iha ita nia frakesa no ita sei  ajuda malu iha ksolok ho Maromak nia Miserikordia. Iha tulun malu entre Irma no  ajuda foinsae sira keta kole atu repete,keta dehan hau dehan tiha ona,maibe ho pasiensia imita ita nia fundador sira hodi hanoin nafatin  atu keta kole atu repete nafatin.

Madre provinsial ninia enkontru ho membru komunidade edukativa balu ne’ebe hola parte iha  aktividades komunidade Madre Morano Fuiloro, Madre nia lia menon Hanoin ba katak imi mak motor ne’ebe bele ajuda sira seluk atu besik liu tan ba Maromak.

Obrigada barak madre Alma doben, ami promete ami nia orasaun ba madre no ami fiar madre mos sei hanoin ami iha madre nia orasaun sira.

(Leonilde M.)