Liturjia domingu ne’e nian tau Maromak nia Liafuan iha sentru ita-nia reflesaun nian: nia mak, loos duni, sentru ba ita-nia esperiénsia sarani. Liafuan ne’e la’ós doutrina abstrata ida, ba ema intelektuál de’it; maibé, uluknanai, anúnsiu libertadór ne’ebé Maromak dirije ba ema hotu no sai isin iha Jezús no iha sarani sira.

Leitura dahuluk fó ezemplu oinsá Liafuan tenke hela iha sentru vida komunitária nian, Liafuan ne’ebé haklaken sai bee-matan ba ksolok no festa.

Evanjellu aprezenta Kristu nu’udar Liafuan ne’ebé sai ema ida hodi horik hamutuk ho ema sira, atu lori libertasaun no esperansa ba vítima sira opresaun nian, terus nian, moris mukit nian. Jezús nia komunidade mak komunidade ne’ebé haklaken ba mundu Liafuan libertadora ne’e.

Download