Iha Jezús nia Batizmu iha Jordaun ninin, hatudu sai Maromak nia Oan-Mane doben, ne’ebé Aman haruka mai mundu, ho misaun atu salva ni liberta ema sira. Hodi kumpre Aman nia projetu, Jezús sai ida hanesan ita, fahe ninia frajilidade no umanidade, hasai ita husi egoízmu no salan, hodi kompromete An atu lori ita ba vida nakonu.

Leitura dahuluk hakalaken kona-ba “Atan” misteriozu ida, ne’ebé Maromak hili no haruka ba ema sira atu harii mundu ida justisa no dame rohan-laek… Hodi Maromak nia Espíritu nia kbiit, Nia konkretiza misaun ne’e ho haraik- an no simplisidade, hodi la uza podér, impozisaun, prepoténsia, basá eskema sira-ne’e la’ós Maromak nian.

Iha Evanjellu, haktuir konkretizasaun promesa profétika nian ne’ebé fó sai ona iha leitura dahuluk: Jezús mak Oan/”Atan” ne’ebé Aman Maromak haruka, no Espíritu horik iha Nia, no ninia misaun mak lori ema sira nia libertasaun. Hodi obedese ba Aman, Nia sai ema, identifika An ho ema sira nia frajilidade, la’o ho sira, atu bele promove no lori sira ba rekonsiliasaun ho Maromak, ba moris iha plenitude.

Download