Momentu Importante ba Komunidade Beata Laura Vicuña- Laga

Laga – Ohin. loron 18 Janeiru, hahú loke “Ensino Básico Primeiro Ciclo” saun João Bosco Tomaqua – Laga ho  Pároku padre Manuel Ximenes, Diretor eskola sr. Domingos, diretora komunidade Beata Laura Vicuña, Ir. Evangelina Xavier ninia prezensa.

Ir. Lubelia Tadeu nu’udar koordinadora diretamente ba eskola refere hamutuk ho Irmán nain tolu (Ir. Felizarda, Ir. Jacinta Guterres, Ir. Miranda) no professora nain tolu. Estudante sira hamutuk ema na’in tolunulu-resin-neen (36). “Primeira classe” iha estudante na’in sanulu-resin-ualu, “segunda classe” iha estudante na’in ualu no “terceira classe” iha estudante na’in sanulu.

 

Komunidade FMA Laga haksolok tebes ba eskola foun ida ne’e tanba motivu rua:

1. Tanba Eskola Básiku Saun João Bosco ne’e taka tiha ona tinan sanulu resin ha’at liubá, husi 1999 no ohin, loron 18  Janeiru 2013 loke fila fali.
2. Tanba labarik sira orfanatu Beata Laura Vicuña – Laga bele hetan opportunidade ba eskola ho kualidade no besik uma nune’e madre sira la preokupa tan ba dezastre sira estrada nian ne’ebé sira halo esperiénsia tiha ona.

Husi redasaun hato’o PARABENS no “BOA MISSÃO” ba komunidade edukativa Beata Laura Vicuña!!!