Dili – Simu kosok Oan iha Natál mak ksolok boot ida mai ita hotu no ksolok ida ne’e la bele para de’it iha ita-nia an rasik, maibé tenke fahe ho sira ne’ebé haleu ita no uluknanai iha ita nia uma-laran no sira ne’ebé serbisu hamutuk ho ita atu Jezús Kosok Oan, Ksolok nia hun sai prezente iha ita-nia ambiente.

Ho razaun ne’e mak mak uma Provinsiál, Novisiadu no uma Divina Providénsia, hakarak haksolok hamutuk ho empregada/u sira iha loron 30 Dezembru loraik. Atividade hahú ho jogu forma fraze, dansa kadeira no hafoin dada rifa atu hetan prezenta husi Kosok-Oan Jezús. Liuhusi selebrasuan hamutuk, haksolok hamutuk, fó tempu ba malu, jogu sira no prezente ki’ik ne’ebé ami iha ami ita hametin liután relasaun no halo empregada/u sira sente nafatin uma hamutuk ho ita.

Ita hein katak ho espíritu Natál, bele hatutan ba ita-nia empregada’u sira nune’e aprende atu sai mós “prezente/don” ba ema seluk, hanesan Jezús rasik sai prezente mai ita, hodi fahe ksolok ida-ne’e iha sira nia família iha tinan foun 2016.

(Sanzinha de Jesus)