Fuiloro – Ohin, 21 Novembru,  graduada  husi Sentru Madre Maddalena Morano Fuiloro, aluna 60 mak simu Sertifikadu I & II ba  Adniministrasaun no nain 5 simu sertifikadu ba Costura.

Serimonia nee  hahu ho Eukaristia Santa ne’ebe preside husi Padre Antonio Transfiguracao Sdb.   Iha Serimonia nee mos hetan partisipasaun husi membru Governo no autoridade lokal,   Inan Aman graduada sira nian, Padre Salesiano sira husi Lospalos no Fuiloro, Madre Provinsial  TIN, Madre Alma  Castagna mos marka nia prezensa ba dala uluk iha eventu ne’e.

Iha omilia Padre Transfigurasaun hatoo nia mensajen ba graduada sira kona ba fo folin ba moris no mos moris  iha obidiensia. Nia dizafia foinsae sira nee  hodi dehan, bainhira foinsae sira fo kualidade ba sira nia  serbisu no halo tuir sira nia serbisu ho diak, nee hatudu katak moris iha obedensia laran. Nia hatutan liutan katak moris ne’ebe imi hetan iha kolejiu nee sai efikaz liutan se imi moris tuir nafatin buat ne’ebe imi aprende, liu-liu valor humano no Kristaun ne’ebe imi  hetan iha fatin ne’e.

Bainhira remata tiha misa kontinua kedas ho seremonia Graduasaun nian hahu ho Hino  Nacional “Patria”no mos  fahe sertifikadu ba graduada 65 ne’ebe kompleta sira nia sertifikadu I & II Administrasun no costura iha tinan nee nia laran.

Graduada sira hamutuk ho sira nia familia sente kontente ba loron nee tanba sira nia oan bele hetan rezultadu diak e remata sira nia estudu ba tinan ida nian iha Sentru Formasaun ida ne’e.

(Komunidade FMA Fuiloro)