Dili – Programasaun Inspetoria FMA TIN kontinua ba oin iha loron sira 13-14 ho “liña asaun” sira ba tinan 2016-2020. Husi serbisu ne’ebé grupu lima halo keta-ketak no hato’o iha asembleia bele to’o iha konsensus kona-ba “liña asaun sira” hanesan tuirmai ne’e:

Nakfilak an liu husi enkontru

1. Hakle’an no fahe  Maromak Nia liafuan iha komunidade edukativa, família no grupu ekleziál sira, atu tulun lee realidade  ho matan Maromak nian no deskobre buat ne’ebé Nia hakarak.
2. Halo orasaun sai esperiénsia ne’ebé favorese no fó kualidade ba dimensaun místika, profétika no fraterna ne’ebé transforma moris lorloron nian.
3. Habiit moris komunitária atu sai simples, esensiál no sobria.
4. Haburas relasaun evanjélika no umanizante iha komunidade no família.
5. Fó folin ba aspetu formativu moris loroloron nian, ho ninia esperiénsia konkreta hodi asumi ho responsabilidade ita-nia formasaun rasik.

Hamutuk, ho foin-sa’e sira

1. Fó akompañamentu kualifikadu ba edukador, labarik, foin-a’e no família sira ho fuan oratorianu.
2. Haka’as-an atu hela ho foin-sa’e sira: rona sira, fó laran metin, fiar iha sira, hasoru sira iha sira-nia hela fatin hodi tulun sira ho modun pro-ativu atu moris sidadania ativa no fiar na’in koerente.
3. Haree hamutuk ho família sira rasik sira nia realidade ohin nian no pastorál familiár ida ne’ebé iha sintonia ho orientasaun Kreda nian no akompaña família sira iha sira nia knaar edukativu.
4. Nu’udar komunidade edukativa hala’o hilin kreativu sira ho korajen atu hatán ba foin-sa’e feto eh mane sira nia prezisa liu-liu sira ne’ebé moris iha perigu laran, hodi promove sira nia kreximentu integrál.
5. Oferese itineráriu formativu ba foin-sa’e sira atu hakle’an sira nia identidade no orienta sira ba vokasaun oin-oin iha sosiedade, iha Kreda no iha Família Salesiana.

Misionária esperansa no ksolok nian

1. Nu’udar komunidade edukativa no relijioza konkretiza konversaun ekolójika iha proposta edukativa-pastorál atu tau matan ba ema, ambiente no ba bem komun.
2. Organiza iha nivel inspetoriál no lokál, momentu sira reflesaun nian no avalia kona ba ita nia modu atu hasoru, valoriza no orienta teknolojia foun iha  misaun edukativa.
3. Empeñu ba edu-komunikasaun atu bele moris ohin loron Sistema Preventivu iha ita-nia asaun pastorál.
4. Asume prezensa edukativa preventiva no profétika iha teritoriu nu’udar Família Salesiana, hodi promove justisa, dame, ekonomia solidária, defende moris no direitu umanu.