Tema sentrál katekeze Papa Francisco nian iha 4 Novembru mak perdaun, liuliu iha família. Papa Francisco enfatiza katak perdaun nakfilak sosiedade atu menus iha hahalok aat no família mak fatin di’ak atu treina kona-ba perduan ba malu.

Ema labele moris di’ak lahó perdaun, Amu-Papa hateten,no laiha domin ne’ebé bele dura se laiha perdaun. Ita-nia moris loron ba loron, mosu situasaun barak injustisa nian no hakanek malu nian, okaziaun iha-ne’ebé tenke kura kanek nakloke sira, nune’e “se ita hein kleur, buat hotu sai difisil”, Amu-Papa salienta, hodi fó hanoin kona-ba “segredu” ne’ebé nia rasik hatudu ona iha momentu seluk atu kura kanek sira: keta husik loron remata hodi la husu deskulpa, hodi la hadame malu.

Download

“Se ita aprende husu deskulpa no fó perduan ba malu, kanek sira bele kura, matrimóniu sai forte no família sau uma ida metin nafatin, ne’ebé reziste ba xoke sir amai husi ita-nia hahalok aat ki’ik no boot sira. No atu halo ida-ne’e la presiza halo diskursu boot ida, maibé natón de’it kariñu ida. Kariñu ida no buat hotu remata no hahú hikas fali. Maibé imi keta remat aloron ho funu, imi komprende?”

Hodi aprende prátika perdaun nian iha família, toman ida-ne’e sei lori ba situasaun hotu, Papa Francisco afirma, no defende família nia fatin iha sisiedade atu apredne perdua malu. “Família mak akademia boot ida treinamentu nian ba don no perdaun resíproku”.

Sínodu kona-ba família

Amu-Papa Francisco fó hanoin iha audiénsia jerál kona-ba Sínodu Família nian ne’ebé foin liubá, hala’o iha Vaticano. Ida-ne’e mak oportunidade ida mós atu hafoun esperansa katak  kapasidade atu perdua malu halo parte ba família nia vokasaun no misaun.

“Prátika perdun nian la salva de’it família sira husi divizaun, maibé habiit nia atu tulun sosiedade atu menus iha hahalok haat no kruél. Kreda, família doben sira, besik nafatin b aimi atu tulun imi harii imi-nia uma sira iha fatuk ne’ebé Jezús hateten”.

Jubileu Mizerikórdia nian

No besik daudaun ba Jubileu Mizerikórdia nian, ne’ebé hahú iha loron 8 Dezembru, Papa Francisco manifesta niania dezeju atu, iha períodu ida-ne’e, família sira deskobre hikas fali rikusoin perdaun resíproku nian.

“Mai ita harohan atu família sira iha kapasidade ba beibeik atu moris no harii dalan konkretu sira rekonsiliasaun nian, iha-ne’ebé ema ida la sente abandonadu ba ninia tusan sira nia todan”.