OR – Veritas de terra orta est! («Lialoos sei natubu husi rai»): sira-ne’e mak liafuan –  hasai husi Salmu 85, 12 – ne’ebé Bento XVI hili iha tinan ne’e ba billete votus di’ak Natál nian hato’o ba Kúria romana, ba funsionáriu sira Vaticano nian no  ba sarani sira ne’ebé sei partisipa loron hirak tuirmai iha audiénsia no selebrasaun sira.

 

 

Amu-Papa hakerek ho liman no Tipografia Vaticana imprime iha billete ki’ik-oan ida, hamutuk ho imajen pintura nian «Natividade no bibi-atan sira nia adorasaun» Leandro Bassano (1557-1622) nian, ne’ebé konserva iha Palásiu Apostóliku Vaticano nian. Nune’e, sei kontinua tradisaun Amu-Pap sira-nian – ne’ebé Paulo VI hahú iha 1963 – atu imprime imajen ki’ik-oan no billete “festa kmanek Natál, Páskua no solenidade sespesiál sira, ho fraze ida hakerek ho liman – hasai husi Sagrada Eskritura, husi Padre sira Kreda nian ka leksionáriu – no reprezentasaun artístika ida tuir tema selebrasaun litúrjika nian.