Venilale – Iha loron dia 22 de Setembru ami simu ho ksolok Ir Luz Stella iha komunidade Maria Auxiladora, ne’ebé hahú knaar foun nu’udar enkarregada orfanatu  S. Domingos Savio, Venilale.

Ir Alma Provinsial mak akompaña. Irman sira iha komunidade simu ho kantu bemvinda nian ho titulu; ITA HOTU FAMILIA IDA, tuir mai tara tais. Iha lokraik tuku 3:30 Irman Esmeralda akompaña Madre Luz ba Orfanato atu labarik orfan sira hato’o sira nia bemvinda; entrega aifunan no akompaña ho bidu husi labarik nain haat. Depoizde teatru Irman Esmeralda hato’o liafuan bemvinda ba Madre Luz; Ita nia prezensa mak prezensa ne’ebé lori moris no lori ksolok ba foinsa’e no labarik sira, ita sei mehi hamutuk atu forma sira sai sarani ne’ebé no onesto hanesan Don Bosco nia mehi. Madre Luz nia mensajen ba Labarik no Irman sira; ita lao hamutuk atu serbi Nai…ita kontinua buat ne’ebé Madre Maria Letizia sei husik hela ba ita. Ita reza Ave Maria ida atu Nain Feto bele tau matan no proteje ita iha buat hotu ne’ebé ita sei halao!!!

(Komunidade Maria Auxiliadora-Venilale)